Tulaai Leitung Thuthang
Tuamtuam Updates May 2, 2014
· Zomi Khangno sung ah Mipil khat ahi Dr Lian Muan Kim
Ph.D USA gam South Carolina State Greenville khuapi sung a om Leitung
Sangminthang lak ah khat ahi Bob Jones University ah pilna laaigil pawlkhat sinding
in cidamtak in USA gam ongtungkhin ta hi. Amahtawh akithu zanuam kha i-om leh
phone 570-4457130 len hi.
· Kawlgam sung ah alipkhap huai mahmah Nagis huihpi
atunzawh kum 6cina hita a tuatawh kisai micimawh tevaai aencik pawl in May 2,
2014 ni in laaisuah bawl uha, Mipi acimawhte peen cimawh seemseem uha, ahuh
akineih Puaisa te haumahmah ci in taangkokhia uhhi.
· USA gamsung nidangtawh tehna in khangto mahmah kik a
April kha khakhat sungbekbek in nasep vekpi 288,000 kibehlap in nasep neilo
6.3% ah kiasukta ci in May 2, 2014 ni in kumpi thunei ten taangkokhia uhhi.
· Afghanistan gam Basakhshan Province sung ah May 2,
2014 ni in guahtui hang in menkicim a mi 350 si a, Inn 1,000 vaal sia in
mitampi mangthang hi ci in Afghanistan UN ten taangkokhia uhhi. Misi tamlua
mahmah ahihman in mi 300 bang mulkim huaitak in vui khat in kivui izen hi.
· South Korea gam Seoul Khuapi sung a om Sangwangsimni
leinuai meileeng khawlna ah apailaai
khat in akhawlkhat anung nawkkha ahihman in mi 170 liam uha, khat peen aguh ataang
kitan gawp in asi bel omsam lo uhhi. Korea te zong kamsia lawmlawm uh
· Ukraine gam Sloviansk khuapi sung ah Russia deih
thautawi te leh Ukraine gaalkaap te May 2, 2014 ni in nasiatak kikap uha,
Ukraine gaal vanleeng 3 thautawi ten kapkhiat sak in gaalkaap honkhat man uhhi.
Ukraine acting President Oleksandr Turchynov agena ah Russia deih thautawi te
tampitak kithat a pawlkhat kiman ci hi.
· Khanih sung khualzin kawikawi ding in China gaal Tembaw pi khat Gaalkaap
sangnaupang 170 tawh April 30,2014 nipan kuankhia khinta hi ci in May 2, 2014
ni in taangkokhia uhhi. Hih Tembaw peen
Kawlgam,India,Indonesia leh Veitnam gamteng hawh kawikawi ding ci uhhi.
Lungdam
ei
Thang
Khawm Pau Zomi
