Tulaai Leitung Thuthang
Tuamtuam Updates May 1, 2014
· Rakhiang gam Suangkaang khuapi ah kibawl Rakhaing
minam khawmpi ni 5 sung akibawlna ah tuini May 1, 2014 ni in manta a, Kawlgam
Upper House Speaker Tura U Swe Mann in thugen nei hi. Tura U Swe Mann in
Rakhaing mite kipumkhat ding hanthawn a , Kawlgam ah zong eitawh kituak Federal
ki-ukna kizangding ci hi. U Thein Lam ten Federal deihlo U Swe Mann in deih cih
ahihman namnih phata uh cihna ahihi. Hih Rakhaing minam khawmpi pen tuma kum 60
pan akhat veina hi a leitung pianzawh anihveina ahihi.
· Kawlgam Mualtungmi thautawi kipawlna te palaai NCCT te
leh Kawlgam kilemna vaaihawmpawl akimuhkikma May khasung in Kumpi thunei te leh
KIO te atuam in kimunuam ci a KIO te ngetna May 1, 2014 ni in kumpi lampan thukimna
piata uhhi.
· Tuni peen Mayday naseemte ni ahihmah bang in Kawlgam
sung a naseem te in zong muntuamtuam pan kawlgam kumpi tung ah naseemte
hamphatna kicingtak a angahtheih nading un ngetna lungphona bawl ziahziah uhhi.
· USA gam Florida state Escambia County, Pensacola
khuasung a om mi 600 aomna thong inn sungpan April 30,2014 ni in Gas puakkham a
thong in kicim ahihman mi 2 si in 100 vaal liam uhhi. Tuicin tuntawh bangtawh
thunei te bel kitaaklah mahmah uhhi.
· Malaysia gam a mangcip Vanleeng tung atuang mite
sanggam te Malaysia a ataamna uh Hotel tepan innlam zuan a ciahtek ding in
Malaysia Airline te in May 1, 2014 ni in thupia ta uhhi. Hibang vanleeng mang a
atun abanna akitheilo peen French gam ah 2009 kum in khatvei omngei a tu a
anihveina ahihi.
· Ukraine gam nisuahna lam Donetsk khuapi sung leh akiim
apaam teng Russia deih thautawi te in bansim in zumte ah Russia dialkhai phut
kawikawi in Khuapi 3 bang luahkhin ta uhhi. Tua hunsung April 30,2014 ni in
Ukraine Acting President Olexanda Turchynov in Russia gaalkaap ten ongsim hang
alehdaal zoding in Ukraine gaalkaap te kigingsa in omkhin hi ci in taangkokhia
hi. Moscow in Ukraine gam nisuahna lam a om Russia mite huhding peen Russia te
mawhpuak hi acih kawmkawm un Ukraine gamgi lam ah Gaalkaap 40,000 khelamtawh
kahsak miaimiai ta uhhi.
· Hih Russia leh Ukraine ongkikaap takpi leh Russia lam
ah, North Korea,China,Syria,Iran,Cuba ongpangding a, Ukraine lam ah NATO leh
NATO gam sung a kihelte I gampawlte ahi,
Japan,South Korea,Phillippine, Australia cihte ongpangding ahihman in gaalpi
thumna piangkha thei maiding ci in
pawlkhat ten lam en uhhi.
· Syria gam Aleppo khuasung amitam mahmahna Vanzuakna
sung Syria gaalkaap ten Van lamtawh May 1, 2014 ni in zial uh ahihman in mi 33 si
hi. Zanni mah in zong hihmun teng mah do uha, mi 18 sikhin hi.
· US President Luui ahi W Bush in kasanggam pa ahi Jeb
Bush Florida Governor luui in maai ah President kiteel kikciang President mun
tuhding hi ci in May 1, 2014 ni in genkhia hi.
Lungdam
ei
Thang
Khawm Pau Zomi