Tulaai Leitung Thuthang
Tuamtuam Updates May 21, 2014
· Igen ngam pakloh ahi New York Khuapi UN zumpi a Zomi
vaai kikupna ah palaai ding a avapai Pu Gregory Kap Suan Lian leh Pu Dr Do Khan
Khup te apaina uh lawhcing cihthu kiza hi.
Abeisa kum 2 laaipan ZIUSA mintawh akingen UN ah Innteek tanna leh Innpi
dinmun ngahtheihna na tawh kisai UN ten sitna leh ettelna nei uha, thudotding
in ZIUSA pan minih asapna tawh kizui in Secretary Pu tegel avakah uh ahihi. Tu
a UN a i-ngahza peen ZORO,Chin te, Kuki cihte akipan anengneng te in ngenngen
mah le uh angahzawh naaikilkel loh uh ZA ahihi. Tu in UN ah member cih nengneng
hilo in Innkuan mi, thukhat la khat apian leh eilo a thu kivatsat theilo dinmun
hita hi. Zomi cih peen omlo cih khawng a apau pau aom alaai leh amah le amah
mihai kahihi ci a kitaangko hita hi. ZIUSA makaai te nasia lua
· Kawlgam kumpi kilemna bawlpawl leh Mualtungmi kilemna
bawlpawl ahi NCCT te Yangon khuapi kilemna innpi ah May 21, 2014 ni in thukikup
kipan leuleu uhhi. Tutung in alamdang mahmah in Kawlkumpi ten cihmah in
azatngam ngeiloh uh Federal ongzang ngawngaw ban ah kawlgam bup kilemna
suaihkaih ciang Federal tawh kisai thu 3 kikup ding in thukim dep uh ci in Dr
Lian Hmung in gen hi.
· Kawlgam ah NLD demding a 2010 kumpan ongkipan ahi NDF
party President Dr U Than Nyint kum 76 Yangon Pinlong zatopi pan Sin Cancer
tawh May 21, 2014 ni in leitung nusia in Apa kiang ah ciahta hi. Amah pen
adamloh sawt simsim ta ban ah Singapore gam ah 8 veibang kibawl in paikhin
ahihi.
· Thailand gam buaina aventheihna ding in Defense
Minister Prayuth Chan-Ocha in apawlpawl pan gamvai makaaite May 21, 2014 ni in
Bangkok khuapi sung Gaalkaap phualpi ah kimuh pih hi. Bangmah khensatna ngahzo
naailo uh ahihman in May 22,2014 ni kikumpha ding in thukimna nei uhhi.
· US,NATO leh EU te in Ukraine gam buaina hang in Russia
te ahithei zah in agawtlaai tak un, Russia President Vladimir Putin China gam
ah May 20 ni vatung vingveng a, May 21, 2014 ni in China President Xi Jinping
tawh vakimu in China leh Russia kikaal Sathau $400 billion man kum 30 sung
kizuak vaaiding thukimna vabawl hiau uhhi.
· Kentucky Senate panmun kituhna ah may 20,2014 nitaak
kitaangko a, Kentucky Senate Republican party pan Mitch McConnell kum 72 in Tea
Party pan Matt Bevin 60%-36% tawh zo hi. Mitch McConnell peen Kawlgam vaai zong
anawkzo mahmah pa khat ahihi. November ciang Democratic Party pan Alison Lundergan
Grimes tawh kisu leuleu ding uhhi.
· Nigeria gam Shawa
khuata ah May 21, 2014 ni in nungkha sung a numei 200 vaal agumang Boko
Haram migilo te in mi bankaap uh ahihman in khuasung mi 27 si in mawtaw , inn
le lo tampi sia hi. US,EU te in asun azan in zong muzo nailo ci uhhi. Ngaihsut
huai veve maw
· India gam kiteelna ah gualzawhna angahthak BJP party
Makaai Mr Modi Prime Minister suahtaktak na leh mipi maai ah kiciamna pawi May
26 ciang kibawlding ahihman in auap ding in South East Asia makaai tuamtuam te
leh atuamvilvel in Pakistan Makai Nawaz Sharif sam citciat hi.
· Italy Navy te in Lampedusa acihna Italy gam huam tuipi
tung ah May 19,20 ninih sungbekbek in gaaltaai mi 1,000 hongkhia uha, 170 bang
naupang kumcing lo vive hi ci in taangkokhia uhhi.
· China gam Shanghai khuapi a kibawl Asia kuam khat le
khat gaalmuan nading kikupna pawipi ah thukonghonna May 21, 2014 ni in China
President Xi Jinping in nei a, Nung kha sung a President Obama Asia gamsung
ongzin kawikawi a Asia gamsung a US te pawlte kipatak huding cih agen lau lua
mahmah ahihman Asia gamteng zong US te nawlkhin zawhnading in Russia, Iran tawh
kipawl in ikidaaldan phuahpha ni ci in makaai te hanthawn hi. Hih zong world
war 3 tawh kinai mawh kei
Lungdam
ei
Thang
Khawm Pau Zomi
