Tulaai Leitung Thuthang
Tuamtuam Updates May 18, 2014
· Daw Aung San Suu Kyi leh Ko Min Ko Naing makaai in
Mandalay khuapi ah May 18,2014 ni in
2008 Kawlgam thukhun puahding vaai May
27 kipan in mipi thukimna suaikaih kila kawikawiding a Hlutdaw pan kisu ding ci
in genkhia hi. Tuaban ah gaalkaap te zong thuneihna bek adeih ahihlohna uh
onglah uh kuulding cihbeh hi. Mipi 3,000,000 bang thungei in pai in nasia lua
himai ei
· North Korea Pyongyan
khuapi sung a om Innkuan 100 kiim I teenna Dawl 13 Innpi khat May 18,
2014 ni in cim a upmawhna in mi 100 vaalsiding in ki ummawh hi. Hih tuahsiatna
hang in North Korea kumpi te in athulamdang mahmah in thuumna neidep sam uhhi.
· Libya dam te in Parliament House May 18, 2014 ni in
atawlnga sa Gaalkaap mang khat I makaih thautawi migilo pawlkhat in sim uh a
ban kaap in Inn susia gawp uh ahihman Parliament tawlkhat tawlngading in
khensat uhhi.
· US gamsung a Internet & Phone service lian mahmah
khat ahi AT&T company te in Direct TV company $48.5billion tawh leiding in kigen
khin uhhi. US kumpi thunei lamte leh Direct TV thunei lamten hihen acih leh
kilei taktak ding uha, AT&T in Direct TV te customer US leh Latin American
pan 40 million teng angahding uh hita hi.
· Columbia gam saklam Fundacion khuapi sung ah May 18,
2014 ni in Sunday School pan aciah naupang kum 14 nuaisiah tuanna Bus pikhat
kaangtum a mi 8 kihongkhia zo in 30 vaal in Topa kiang ah ongciahsan uhhi. Bus peen meitui atuh zang a tuapan meikaang
hiding in kilam en hi.
· Nigeria gam khunglam a om Kano khuasung Christian
biakbuuk huangkhat ah mawtaw tung akisiah Bomb khat May 18, 2014 ni in puakkham
ahihman in mi 4 si uhhi. Nungakno 200 vaal agumang Boko Haram migilo ten kosiah
hi ci uhhi.
· Syria gam Mleiha khuapi ah Syria kumpi deihlo Tapong
te leh kumpi te nasiatak in May 17 ni kido uha, Tuamun ah Syria Air Defense
Chief Gen Hussein Ishaq kapliam uha, azuih zuih uhleh May 18, 2014 ni in
aliamma tawh nasi hi.
· Malaysia Vanleeng mang tawh kisai tuni dongciang kimu
nailo ahihman in May 18, 2014 ni in Malay-China-Australia gamthum thukikupna
nei uha, China te in amau pilna zang in makaih ding a tuipi taw zongding in
kithukim uhhi.
Lungdam
ei
Thang
Khawm Pau Zomi