Tulaai Leitung Thuthang
Tuamtuam Updates May 19, 2014
· New York Khuapi sung UN zumpi ah Zomi te maban ding
vaaihawmding a akah Zomi makaai taangmi nihte May 17 Meeting akah khit uhciang
cidam tak in inn lam zuanthei cihthu kiza hi. Bangthu teng vagen a kuateng
vapai cih thunei te in akicing in ongpulaak kik ding uh ingak laai hi.
· Letpadaung Mual Siksan to a om Sen minam nih khausung
mite tawh abuai khit uhciang khuasung miten namancip ek uha, kumpi te leptuahna
tawh May 19 ni in khahkik ta uhhi.
· USA gamte sumzon sumzuakna, galvan tuamtuam te
computer zang in Sen gaalkaap mang 5 guuksak hi ci in USA ten thubawl uha, FBI
te in amantawh kamannuam uhhi ci in May 19 ni in suaksak uhhi. China kumpi te
in ahih leh hipeuhmah kei ci in dawngkik pah uhhi.
· Ukraine gam kiteelding anibek in samta ahihman in
Ukraine gamkiim a om Russia gaalkaap 10,000 vaalte aomna muntek ah ciahkikding
in Russia President Vladimir Putin in May 19 ni in thupia hi. Ahizong in kua
mah aciah omnai kei ci in NATO te in genkhia kik uhhi. Putin bel China gam
meeting kahding in tungseisai hi.
· Thailand gam kumpi langpang pawl in May 27 ciangbek
lungphona kinei ding a tuakhit ciang thulamdang apian kei leh amakaai teng amau
leh amau kumpi tung ah ki-ap nung ci in May 19 ni in ataangko khiat kawm un
mipi te nasiatak May 27 ma lungphona bawl ding in hanthawn uhhi. Kum 81 sung ah
18 vei thuneihna ala Gaalkaap te in May 19 ni
in Gaalkaap ki-uk na Martial Law TV tung tawn in taangkokhia uha,
ahizong in tu a peen thuneihna laakna hinaailo hi ci uhhi. Kumpi langpang pawl
in akiteel ahilo mimawkmawk khat PM ah koihphot a Thailand Political Dialogue
bawlding ngen uhhi. Kumpi lamten ahihleh hih kumpi langpang pawl in kiteelsim
in kum 11 sungbang gualzo ngeilo uh ahihman thuneihna adeih lua uh cihsan uhhi.
· Vietnam te neihsa tuipi sung ah China ten meitui
tawhding ageelna hang un Vietnam gam ah Chinese huatna lungphona hang in mi 2
si in 140 aliam khit ciang May 19 ni in Senmi 900 tembaw tawh Vietnam gampan
China ten nawnkhia uha, May 20, 2014 ni in 2,000 nawnkhia kikding in geelna nei
uhhi.
· Zomi atam mahmah na Oregon State te in May 19 ni in
neih kibang kiteen na sangta uha, Zi-O-Pauh dan in kopkhat kiteng pah seisai
hi. Nungkaal sung Arkansas state ah neih kibang nupa kop 540 kiteeng uhhi. Tu
in USA gam ah state 18 leh District of
Columbia ah neihkibang lawm kingai te lunghiang neilo tak in kiteeng ziahziah
thei ta uhhi.
· Columbia gam Fundacion khuapi ah May 18 ni Sunday
School paiding kum 14 nuai naupang apau Bus pi khat akattum na ah misi 32 phata
in 20 zato ah gim mahmah laai uhhi. Bus hawlpa in meitui tawi kawm in meisah
saai ci in kigen kik hi. Hih naupang no te peen UPC pawlpi mi vive ahi uhhi.
· Mobile phone,ipad leh Internet te in Naupang te
cidamna pilna bangzah ciang susia hiam ci in kantelna akibawlna ah naupang kum
16 nuaisiah te ahunciangtan lopi in Mobile phone,Ipad leh Internet te imawk
zatsaksak leh angaihsutna uh, athuciaptehna uh naakpi tak in sukha in apilding
zah un pilzolo cih kimukhia ci in WHO te in May 19 ni in taangkokhia uhhi. Zomi
ten theih huai mahmah hi
· Bosnia leh Serbia gamneu nihte ah lipkhap huaitak in
Nung weekend pan tuikhang ahihman in mi 35 si a
mipi 4million in tuidawn ding neilo in Inn 100,000 kisia mang hi. Mun
20,000 ah mencipna piang hi ci in UN te in May 19 ni in taangkokhia uhhi.
Acimawh mite Inntungkhum ah puankaang silh in kahto ding in UN ten thupia uha,
Tank Mawtaw te leh Tebaw pi te tawh mihuhding in kuan khia ziahziah uhhi.
Lungdam
ei
Thang
Khawm Pau Zomi