Tulaai Leitung Thuthang
Tuamtuam Updates May 16, 2014
· Shan gam saklam Lasho khuapi sung a om CB Bank kiim
teng ah May 16 ni in Bomb nihvei puakkham a asia aliam omlo sam ci hi. Banghang
a puakkham a kua khutma cih Palik ten akan san laaitak ci uhhi.
· Kawlgam tawh gaallam leh gaalvan lam kizona
neihlohding cih EU Council te khalna 2015 April 30 ni dong khanto laaiding in
May 17, 2014 ni in khentat uhhi. USA gam ten zong May 16 ni in Kawlgam tawh
kizopna khalna kumkhat khanto ding in khensat uhhi.
· Kum 60 sung
bang asawtkhin Karen gam sung a kiphum Mine te zongkik ding in Britain gam
Nolandmines kipawlna pan Andy Smith makaai alawmte leh Karen thautawi te
kipawlkhawm in May 16 ni pan zon kipanta uha, guahtui tam ma in zosiangding ci
in genkhia uhhi.
· India gam kiteelna ah Bharatiya Janata (BJP) party te
in gualzawhna ngah uh ahihman in BJP party makaai Nerandra Modi Prime Minister
suakding hita hi. Mr Modi peen mizawng daaipaam mihi in Gujarat state pan
khangkhia a, aPa Meileeng khawlna ah vanzuak in Anu ahihleh inn naseem ahihi. 2001
kumpan Gujarat state Minister ongsuak a, Gujarat state nasia tak in khanto sak
hi. Tua ban ah sumzon nalam kiva makaai hoih khat ahihman in mipi in muang
mahmah ban ah India sumzonna zong tu mahmah in akah hanhan pah ahihi.
· Maikha ciang World Cup tun nading ahi Brazil gam Sao
Paulo khuapi leh Rio khuapi te ah Mipi te kumpi tung lungkimlo in May 16 ni in
nasia tak in lungphona nei uhhi. Mipi te hamsatna kumpi thudonlo in sum tampi
bei in World Cup innteek asepna uh lungkimlo pipeen uh ahihi.
· Angola gamte in Zomi te nung ongzui in 1970 kumpan
amasa peen Mi kisimna Census bawl May 16 ni in kipanta uha My 31 mansiangding
in geelna nei uhhi. Gambup ah naseem 90,000 koih uha $200 million beiding in
ngimna nei uhhi. World Bank te upmawhna ah Angola milip 21 million phading in
gen uhhi.
· April khasung Nigeria gam a Boko Haram migilo te mat
sangnaupang numeino 200 vaalte vaai kikumding in French te innteek in Africa
gam makaai te leh Nigerian President Goodluck Jonathan te May 16 ni in Piantit
gam Paris khuapi zuan ta uhhi. President Goodluck Jonathan May 16 ni in numeino
te kimatna Chibok khua paiding geelna nei himah leh lauhuaina pawlkhat hang in
khawlkik hi.
Lungdam
ei
Thang
Khawm Pau Zomi