Tulaai Leitung Thuthang
Tuamtuam Updates May 15, 2014
· Yangon khuapi Sky Star Hotel ah Kawlgam Election
commission te leh Party 40 vaal May 15 ni in kimu khawm uha, Commission in mee
suai palaai te zuihding a abawl uh thukhun kikum khop uh in bangmah thugina
thukimna neilo uhhi. Atawpciang bel U Tin Aye thukhun nabawl pha nung cisam
hi. By election zong 2014 kumbei kuan ah
bawlding cihciang gen uhhi. Party 40 vaal te santheihloh kiteel na thukhun
ahihleh Mee suai ciang MP ding pa bek in thugen theihna neiding cih ahihi.
· Mualtung mi thautawi kilemna vaaihawmpawl NCCT te leh
Kachin mipi te Mitkyina khua laaizang Manaw tualpi ah May 15 ni in kimuhkhopna
nei uha Bu Go Mung (Gummaw ) KIO in Kawlgam pan inntuanding hilo in kawlgambup
kilemding avaaihawm hizaw ci in mipite hilhcianna nei hi. NCCT makaaite KIO
sapna tawh May 16, 2014 niciang KIO phualpi Laiza ah hawh in thu kikupna
neiding uhhi.
· American in Kawlgam tung ah sumzon sumzuakna lam
khalna apiakna thukhun tawh kisai in kumkhat khan laaiding in President Obama
in Lower house speaker tung ah May 15 ni in laaipia hi.
· South Korea gam pansan The Truth Foundation te in 2014
ai ding Mihing zaleenna tawh kisai miphatna ongnusia khin NLD party makaaikhat
lah ahi Hanthawady U Win Tin May 15 ni in teelkhia uhhi. U Win Tin Foundation
pan zalian khat asangding in June 26 ni ciang paiding hi. Hih the truth
Foundation peen 2009 kumpan kipan hi a Korea gammi te bek kipia himah leh 2014
aiding U Win Tin alamdang tak in ateelkhia uh ahihi. Pahtawi na laaipi le
$7,000 ding ahihi.
· New York khuapi sung akilam 9-11 phawkna Innpi ah
President Obama May 15 ni in vahawh a va encian hi. Hih Innpi peen 9-11-2000
kum a Al-Qaeda migilo ten USA do in mi 3,000 vaal asihna phawkna hi a Dollar
Awn 700 bei a kilam ahihi.Mai nipi sung ah honna pawipi kibawlding a mipi in
enthei tading hi.
· Turkey ham Istanbul khang Soma khua a suangmeihol khuk
katna hang in mi 274 si in 120 vaal amanthan na lungkimloh lahna in Turkey
naseem kipawlna te in May 15 nitha paai gambup lungphona nasiatak nei uhhi. May
15 ni mah in Prime Minister Recep Tayyip Erdogan amun ah vapai a hih meikaang apianthei thu hilel cikha
ahihman mipi in zandelh in Vanzuakna
Super Market sungkhat ah ekdawk liang in sihtaai hi.
· India gam kiteelna Meetang sim May 15 ni in kipanta
uha, Congress party langkhat ahi Hindu biakna BJP party te in tutna 325 ngahta uh
ahihman in gualzawhpawi kham kipanpan ta uhhi. Congress party ten zong lel mah
ung cimaita uhhi. Friday May 16, 2014 ni ciang kimtak in atawpna kisim ding a
azo alel kitelcian taktak tading ahihi.
· Bangladesh gam Dhaka khuapi khanglam Munshiganj
district sung aom Meghna gun sung ah mi 200 apua Tembaw khat May 15 ni in
kibung a misi 6 kimuta in adangteng ahonding leh azong ding in kumpi thunei
buaisaan laaitak uhhi. Bangladesh gam peen mitamlua Setvan tawm ahihman ataktak
in mi 350 bang hizawding in ki um mawh hi.
· USA gam New York khuapi sung ah Lawmta mi thum in May
15 ni in Sofa tutna aluui khat lei in Inn atun uhciang aveelveel uhleh sofa
kawm ah $40,000 Cash laai tuamtuam tawh kituun mu uha, azuaknu kiang ah piakik
uhhi.
· Syria leh Turkey gamgi Bab Al-salam khua sung mawtaw
lak ah May 15 ni in nasia tak in Bomb puakkham a mi 43 thakhat in sipah in adang tamsimsim liam uhhi.
Lungdam
ei
Thang
Khawm Pau Zomi