Breaking New@Tulaai Leitung thuthang tuamtuam April 29, 2014
·
North Korea te in President Obama mangpha
khaakna in South Korea tawh gamgi ah
Nasiatak in thaupi lawtna den mahmah in kipan ziahziah ta uha, South
Korea gaalhaangte zong alotkik ding in akiging khin sitsetsa in omta ci in
South Korea thunei te in taangkokhia uhhi.
·
Azan nihna Tornado huihpi in USA gam Alabama
State leh Mississippi dung teng nasiatak
in nawkkik a, Alabama ah mi 6 si in Mississippi ah mi 7 si hi ci in US kumpi
ten taangkokhia uhhi.
·
Leitung a Mobile phone company lianpeen khat ahi
Sumsung’s te in January kha pan March kha kikaal vanzuakna 4% kiam ci in den
mahmah in dahna thu pulaakkhia uhhi. Ahaang peen sawt tektek leh kaaitektek
ahihman kideih meello ci uhhi.
·
Taiwan gam I khuapi Taipei khualaai zang ah
kumpiten Nuclear apa khat lamding ci a geelna uh adeihlo mipi te in lampi teng
khaaktan mang in lungphona nasiatak nei uh ahihman kumpi ten lam nawnlo phot
ding in thukimna pulaakkhia uhhi.
·
Russia gamgi dung teng ah NATO leh US gaalkaap
te ui meikaang bang in kipei ziahziah ahihman in Russia te patau mahmah uha,
Russian Defense Minister Sergei Shoigu in US Secretary of Defense Mr Chuck
Hagel den mahmah in phone aset leh Mr Hagel in no Russia te Ukraine tung
nagamtatna uh khawl masa un cihsan ziau hi
·
Israel leh Palestine gamnih US ten palaai seem
in kilemnading ahunciangtan bangmah thukimna hoih omlo in den mahmah in ahun
mawk beihiau ahihman in Palaaipi aseem ahi US Secretary of state Mr John Kerry
in teeklawh dekliang a kasam bang kaangmang liang mah hiven maw ci in khuisa in
inn lam zuan kik hi.
·
US President Obama Philippine gam khuapi Manila
ah Malaysia pan Monday April 28 ni zinghawh phei a Leilak atukma naikhat lian in Philippine leh
US kikaal gaalvaai kum 10 kimangding thukimna US Ambassador Philip Goldberg leh Phillipine Defense Minister Voltaire
Gazmin te in suai nakaai uhhi. Hih gamnih gaalvaai thukimna peen China te
khaukhih nopman hisamlo a kidaalna hi ci in President Obama leh President
Benigno Aquino ten mipi maai ah taangkokhia uhhi. Denciang President Obama
Angkawi sianglam ongzuan tading hi.
Lungdam
Thang
Khawm Pau Zomi
