Tulaai Leitung Thuthang
Tuamtuam Updates April 8, 2014
· Kawlgam Census tawh kisai in Tuciangciang Zomi-914 ah
95% in kikhum in Gualzawhna lianpi kingah ahihman in Zomi adeihlo alangpang pawlkhat te ihmu zong
ihmu theilo., Pawlkhat bang Ann zong netheilo , Gawnlawh cihbang in om a
Pawlkhat bang khuak maannawnlo haithei zahdong ding ah omta cih thu kiza
ahihman in Paihding lah Sa Neekding lah ?? icita zong in thungetna ah pawktek
ni
· Kawlgam Mualtungmi thautawi pawl 16 te leh Kawlgam
kumpi te khantawn kilemtheihnading thukhun nam 7 April 8, 2014 ni in kithuhual
tak in ahaampi gelhkhiatna neizota ci in Kawlgam kilemna vaaisaipawl in
taangkokhia uhhi.
· Kachin gam kumpi thunei te leh India gam palaaipi te
April 8, 2014 ni in Mitkyina khuapi ah kimukhawm uha, Sagiang Division Swebo
khuapan Kachin gam Putao dong Lampi bawl in tuamun ah India gam in Dollar Awn
120 leitawi ding in langnih kithu kim uhhi.
· Pakistan gam Rawalpindi khuapi pan Quetta khuapi
kikaal nisim ataai khualzin mi apua Jaffar Express Meileeng migilo te in April
8, 2014 ni in puakkham sak uha, mi 13 thakhat in sipah in adangtampi tak liam
uhhi.
· Ukraine gam Crimea tuikulh Russia gamte in asuhkhit
uhtawh lungkimlo in Ukraine gam nisuahna lam Khuapi 3 te ah Russia deih mipi
leh thautawi pawlkhat in April 7,2014 ni in buluh in Ukraine dialkhaai te
heemkhia in Russia Dial khai uhhi. Hih
bang agamtatna peen Russia kumpi nasepna hi ci in Ukraine Kaallak Kumpi sempak
ten gen uha, Ukraine gampan Tai 19 na ah Russia gaalkaap adim aha in omhi cih
genbeh uhhi. Hih thu ah NATO leh US ten Russia aw kidawm tapeuh un Gaalpi
thumna piangsaknuam naaikhang cingeungeu uhhi.
· American Secretary of Defense Mr Chuck Hagel Asia gam
ni 10 akhualzin laaitak hi a April 8, 2014 ni in China Uliante tawh akimuhkhopkhit
ciang China te bawl Gaalvaanleeng tampi apuathei Tembawpi tung akhetawh vasiik
in va en hi. April 9,2014 ni in Mongolia gamlam ah khualzinna zomto suakding ci
hi.
Lungdam
ei
Thang
Khawm Pau Zomi
