Tulaai Leitung Thuthang
Tuamtuam Updates April 7, 2014
· Kawlgam Democracy makaaipi Daw Aung San Suu Kyi
Piantit gam leh Germany gam vahawhding in April kha ni 9 ni in Yangon khuapi
panding khiatading hi ci in NLD zumpi te in April 7, 2014 ni in taangkokhia
uhhi. Germany gamte in kumsim apiakkhiat uh Willy Brandt Prize minphatna
valading a April 14 nipan Piantit gam lamzuan tosuak ding hi. Hih miphatna peen
angah mithum ompan ahihi.
· Kawlgambup kilemna ading laaikaaikhawm ahi Mualtungmi
thautawi kipawlna leh kumpi lamte thukikupna aninihna nuamtak in zothei uha,
thukimna 5 ngahta in adangnih te zing le thai ah kikum khawmlaai ding ci in
genkhia uhhi.
· Malaysia gam ah March ni 8 ni a amang Vanleeng I
taangthukepna Black Box hiding a upmawh Setging April 6 ni in China te in za
uha, Tuakim mah a Australia te in April 7, 2014 ni in za leuleu uh ahihman
tuamun kiim teng nasiatak in tuisung ah azon ziahziah laaitah uh ahihi. Tuzawh
asawtlo in muding in lam en uha azenzen in April 8 nima amuhkei uhleh Battery
beiding hita ahihman in kizong theinawnlo ding ci uhhi.
Lungdam
ei
Thang
Khawm Pau Zomi