Tulaai Leitung Thuthang
Tuamtuam Updates April 9, 2014
· Piantit leh Germany gam vahawhding in Pi Aung San Suu
Kyi April 9, 2014 ni nikaai lam in Yangon International Airport pan leengkhia
ta hi ci in NLD phualpi pan taangkokhia uhhi.
· Kachin gam Phakant huam Lungkhin khuakiang ah
Suangmanpha eng adimtak a pua mawtaw 11 April 9, 2014 ni in Kawlgam gaalkaap
ten man uha, thubawlding uhhi ci in Kachin gam palik zumte in genkhia uhhi.
· Kachin gam Mitkyina khuapi ah April 9, 2014 ni in
China gam palaaipi Mr Yang Houlan leh Kachin state Vuanzi U Hla Yon Ngai Sai te
vankhaam leh phalna omlo van naseemna tawh kisai kikupna nei uhhi.
· March kha 27-28 ni sung a Sitwe khuapi sung ah NGO
naseemkhat in Kawl biakna Dialkhai thupisimlo cih pau lap in buaina tawh kisai
in Kankhiading a kiseh ahi Boyoke Maung Maung Ong leh alawmte 5 in amuhkhiat
thute uh April 9, 2014 ni in thusuah bawlkhia
ta uhhi. Thusuah sung ah NGO naseemnu in lungsim hoihtawh biakna
dialkhai alakkhiat paulap in mipi buaiding adeih kipawlna khat in mipi
hawlthawh hi ci in genkhia uhhi.
· US gam Pennsylvania state sung Franklin Regional High
School sung ah sangnaupang kum 16 apha pasalno khat in April 9, 2014 ni in Temta tawi in alawmteng bandawtgawp
ahihman in mi 19 naakliam mahmah uhhi. MIdawtpa ahihleh Pu ten manphot phot
uhhi.
· Indonesia gam ah Parliament kiteelna April 9, 2014 ni
in kipanziahziah ta hi. Hih parliament kiteelna amankhit ciang agualzo tungtawn
in July 9,2014 niciang President kiteel na zomtosuakding uh zong ahihi.
· Pakistan gam Islamabad khuapi sung Vanzuak zihziahna
munkhat ah April 9, 2014 ni in athahat mahmah bomb nih phuakkham a, mi
atawmpeen 20 si in tampitak liam uhhi.
· Toyota mawtaw Compay te in ahawlpa lam Airbag
hoihlohna hang in leitungbup ah Toyota
mawtaw 6.4 million samkik (recall) ding hi ci in April 9, 2014 ni in
taangkokhia uhhi.
· March 8 ni a amang Malaysia vanleeng I thuciaptehna
black box pan aging hiding a upmawh awging nih April 8,2014 nitaaklam in
Australia vanleeng zongten zakbeh uh ahihman in hihmun ah luutsuk a teltak a
akankhiading in Tuisung luut Tembawpi te leh akancian thei akhangto setvante
tawh April 9, 2014 ni kinaakpat saan mahmah ci in AU thuneiten genbeh uhhi.
Amihing tebel genvet omlo ngasa ann suakmangta hileh kilawm hi.
· Syria gam I khuapi Homs khuapi sung ah athahat mahmah
bomb tangnih April 9, 2014 ni in puakkham leuleu in mi 25 sipah a 100 vaal
naakpi tak in liam uhhi.
Lungdam
ei
Thang
Khawm Pau Zomi
