Tulaai Leitung Thuthang
Tuamtuam Updates March 27, 2014
914-Zomi
Zomi
teng 914 ah tuibang kigawmding ci in
mipi atamzaw leh Imakaaipi te kithu kim in nasiatak ma ipan laaitak in pawlkhat
te in deihlo tentan in amau aituam deihna acihsawm peen amaudeihna ahihman in
kuama pautheih omlo hi. Ahizong in Zomi cihminam pansan kip ineihkhit ciang,
Gamthu, Mun le Mual thu ah natampi kiseem toto ding ahihziak in, leh India-Buram ateeng kheempeuh in Zomi
kipomta ahihman in adeihlo te koimun ah teengding a koi ah buding cih lungkham
huai kasa mahmah hi. Ami aom hang Mun le mual aomkei leh minam abeibei ahihi.
Tuaciang Leitung ah minam mangthang tammahmah khin a amanthan na mipil ten
akanciang atamzaw Minam tam te in valhtum ci uhi. Tua ahihman Zomi ah
kigawmnuam lo a tawmcikcik a idin hang asawtlo in Zomi in ongvalhtumding hilel
hi. ( Keimuhna hi a namuhna tawh akituah kei leh zunbuk ah napai in nakap in )
·
Rakhaing gam Sittwe khuapi a kiphual gamupa NGO
khat ahi Malteser NGO naseemkhat in March 26,2014 ni in Buhda biakna alan khat
thupisimbawllo ahihman in khuanu khuapa te in NGO zum kheempeuh leh naseemte
innkheempeuh sim gawp uh ahihman in Kumpi ten thukhun no.144 tawh daal uhhi.
·
Thailand gam Mahachai kuam a aom Kaaikuang
bawlna company khat ah kawlgammi naseem 1,200 naseptawmna hang in March 25,2014
ni in kikhawlsak mawk ahihman in lungkimlo uha, Hehnepna sum anget uhleh $1.6
Awn March 27, 2014 ni in piakhia uhhi. Kawlgam mi nasem te lak ah hehnepna sum
atam ngahngei peen in kiciamteh hi.
·
Kum tamsimsim akido den ahi Philippine kumpi te
ah Philippine gama singnuaimi alianpeen Moro Islamic Liberation Front te in alamdang mahmah kuama lam etngahetloh
langnih kilemna March 27, 2014 ni in thupitak in suaikaai thei uhhi.
·
Malaysia gam a mang Vanleengpi kia hi ci a aki
upmawhna mun Australia gam Perth khuapi
pan tai 1,500 kiim gamlaatna ah March 27, 2014 ni in Thailand te Vanlaai
khuaphelep manzaihna in Vanleeng them ahihkeh Misi ding a upmawh Van 300 vaal
mukik leuleu uhhi. HIh Vanleeng leh mite peen Tuisung Tai 5,000 bang ah luutkei
leh kizongtheilo kilatheilo ding ahihman in US te longal azongzo ding omlo
ahihman adangteng bel tuitung ah laamlaam pong uhhi.
·
US President Obama leh Pope Francis te amasa
peen March 27, 2014 ni in Vatican huangpi ah kimukhawm uha, President
Obama in Pope Francis tawh akimuhkhaak a kipahna leh angtang akisakna genthithe
hi.
·
Congo gam pan Uganda gam ah acihki Uganda
Refugee 251 te gaminh kikaal aom Albert Tuipi sung pan Uganda tui Palikte in
man in hongkhia zo uhhi. Nungkaal
Saturday ni in hihmun mah ah Gunkuang kibung in mi 300 sikhin uhhi.
·
Egypt gaalkaap mang Abdul Fattah Al-SiSi President demding in khensatna nei ahihman in
March 26,2014 ni in panmun khawlsan, ama zalaih ding in Gaalkaap Mang Sedki Sobhi March 27, 2014 ni in kiciamna kilasak hi.
·
Russia te in Ukraine gam Crimea tuikulh asuhna
hang in UN te in March 27, 2014 ni in nasiatak in Russia mawhsakna nei uhhi.
Tuaban ah Acian laai Ukraine gamte naakpi tak in panpihding thukimna nei uha,
Tuate lah ah International Monetary Fund
(IMF) te in $14-18 leitawi ding in
athukim ban uhah US ten zong $1billion leitawiding in March 27, 2014 ni in
Parliament ah thukimna nei uhhi.
Nasep
Kuanhun zee lee
Lungdam
ei Laai ongsimsak teng tung ah
Thang
Khawm Pau Zomi
