Saturday, March 29, 2014

Tulaai Leitung Thuthang Tuamtuam Updates March 28, 2014

Tulaai Leitung Thuthang Tuamtuam Updates March 28, 2014


Obama Care ni (2) Bek Cianlaai

·      Obama Care kici Cidamlohciang sumtaang zattheiding Card tawh kisai in asiauhhunding ni (2) bekbek cianlaai ahihman in nasiauh naaikei leh tuni mahmah in nasiaupah in.  Online pan asiau ngeisa asiamsa nahihkei leh suvet keizaw in Leitungbeidong nangah ngeikei ding hi. Food Stamp zum mawh ahihkei leh koi mun ah kisiau thei cih Internet pan kizong thei hi. Ahih kei leh Website tung a om phone number tawh mikangpau siam mahmah khat samsak in.

·      Thutel cianlo leh Pasian umzo taklo Pasian naseem leh mipawlkhat te in Obama Care peen sasung ah zatui kiphumding a 666 hi peuh ci in zuau phuak kawikawi in bangmah theilo teng lausak mawkmawk uhhi. Ataktak in laai atheiloh man uh leh thu kanlopi a thusuak hai neih uh ahihi.

·      Dawi leh Kau ahizong 666 leh Insurance USA gam ah kisai kilkel lo hi. President Obama in Poor People te ong Care ahihman a Obama Care kici ahihi. Mizawng icih te peen sum luut tawmte cihna ahihi. Gentehna in Innkuan 5 aphate Khasum $3,800 ciang ahihleh sumpiak kulo a, atungsiah $5,000 ciang sumtawh alangbang huh in atungsiah ahihleh khakhat $300 kiimtawh kilei sak pan hi.

·      Obama care peen sumluut tam a thumanlo mite anuam meello hibek in Sumluut tawmte ading ahoih mahmah akipah huai mahmah thu ahihi. Na state khawng ah nadong lecin nidang in Kum 21 nuaisiah leh Naupaai te bek Medicaid akingah hi a tun Nasum luut atawm naakleh na Innkuan un Medicaid nangah ziahziah ding uhhi.

·      Insurance naneih naaikei leh nawhtak nasiau in in ci in konghanthawn nuam hi. Ahang in bangmah naneih keileh Tax Return ciang naliau ding a aliau sum tamlo napin kumpi thukhun palsatpa  nahihman in athu lian hi.

·      Atom in Obama Care peen (Mizawng te huh in Mihau te Sumtawh leisak ) cihna ahihi.


·      914-Zomi ah kigawmding ci in Zomi kheempeuh ilawp mahmah laaitak Dawi Mangpa sawltak Zogul honkhat in mipi lungsim nabuaisak ahihman in mipi theihnopte Kumpi tetung ah ateldotding leh Kumpipa Thein Sein tawh kimuding in ZCD President Pu Chin Sian Thang Leh alawmte Nipydaw tungkhin ta uhhi.

·      Zomi ten Census vaai ah ideih Zomi khumding ingetciang Code number cihkhat onggingkhia pan peen tuama a theizong atheikha ngeingiatlo mihehpihhuai  pawlkhat in Code kisaktheih pih nuamzaw laai  sihpih ngam sawm uhhi. Zum huai mahmah azum thei te ading in…

·      Tun Zomi ah kigawm ding campaign Zomi te apai ziahziah takciang nidang a zong athei kha ngei keeilo honkhat minung zui in kipan lunglung leuleu  ahihman in nasep na ah kuaman ongkhaktan zolo ding Zomi Thautawi kipawlna lianmahmah khat in cingding a, mipi inzong bangci gelhding theilo ahihman in agelhsakding Sia/Siama te hilhkhol,thupia ding ci in kiza hi. Kuakua apau zong in Sia/Siama ten Zomi vive in na gelhsak ding hilel ahihman in Chin state buppi Zomi hikhading in kilam en hi.


·      Zogam Tedim Khuapi aom Mithat CNF zum mai ah March 28, 2014 ni zan nai 8:30 pm pawl in CNF ten Zomi tetawh thunawngkaai khat aomkhaak leh puahkhapsakding ci a agawlgawl uh Bomb tangkhat sukhialkha uha puakkham kha ahihman in Inn pawlkhat sia in asi aliambel kua mah omlo uhhi.

·      Chin State Khalkha khuapi sung ah April kha beima teitei in Western Union tawh  CB Bank tawn in sum khakthei, kithoh thei ziahziah tading hi ci  in Marh 28,2014 ni  in CB Bank thunei te in taangkokhia uhhi. Khalkha minate 92% peen gamdang $ ne ahihman nuamtuam mahmahding in lam en uhhi.

·      Rakhaing gam Sittwe khuapi sung a om World Food Program (WFP) te vankoihna phualpi March 28, 2014 nizan Sittwe khuasung mi te in saatzanding in akuanlaaitak uh Palik ten thau lawn in nalausak uh ahihman in numeino kum 11 khat kha lum hi.  Rakhaing gam a om NGO te in Muslim te  leh Rakhaing minamte deidan ci in mipi sona a ki umcip ongkeh ahihi. Gamdang mi NGO naseem kheempeuh Rakhaing state kumpi huhna tawh Yangon tungkim khin uhhi.

·      Thailand gam Mahachhai kuam sungteng ah  Mizuak Puaisa te khut sungpan Kawlgammi 20 Thailand palik ten March 27 zaan in hongkhia zo uhhi ci in taangkokhia uhhi. Kawlgam nuntak hamsa ahihman in Kawlgam ah mikizuak abeithei lo ahihi.

·      Ukraine gam Crimea tuikulh Russia ten asuh bek hilo in Russia gam kiimkot ah Russia gaalkaap 100,000 kikoih diudeu hi ci in Russia Gaalkaap zalian Andrily Paribiy in March 27,2014 ni in genkhia a, HIh thutawh kisai in Nawhtak in Russia in Ukraine gamgi pan agaalkaapte alaakkhiat kei leh lauhuai ding ci in President Obama in March 28, 2014 ni in genkhia hi.


Lungdam ei Laai ongsimsak teng tung ah

Thang Khawm Pau Zomi