Tulaai Leitung Thuthang Tuamtuam Updates Feb 25,2014
·
Kawlgam sung a piang leisung Sathau te
tawhkhiatnading in tupan kipan kum 5 sung in sum $3billion zang in na
kiseemding hi ci in Thaigam bulphuh leisung sathauto PTTEP company te in Feb 25,2014 ni in
taangkokhia uhhi.
·
Irrawaddy Huam Pathein khuapi ah 2008 kawlgam
thukhun puahloh phamawh ahihman manlang takpuah un ci in mipi 500 in Feb
25,2014 ni in lungphona nasia tak nei
uhhi. Ongki zomtoto leh kawlgam ah buaina lian pianglah loding in mipawlkhat in
lam en hi.
·
Security kuullo zatnuam mahmah Apple company te
bawl vante tung ah Virus lungno luut ahihman in Apple company te in Apple
vanzangte kidawmding in Feb 25,2014 ni in taangkokhia uhhi. Iphone,ipad leh
ipod te ading security kibawl khin a ahizong in Apple laptop leh desktop te
ading kibawl thei naailo ci uhhi.
·
Pakistan
gam nitumna lam dungteng Taliban migilo te phualpiding a upmawh namun teng ah
Pakistan gaalkaap tein nasia tak in vanlamtawh operation gaaldona nei uh ahihman in Taliban miding a
upmawh 30 Feb 25,2014 ni in si hi ci in kumpi lamte in genkhia uhhi.
·
US leh South Korea te gamnih kipawl gaaldona
kisinna nasiatak in aneih laaitak un North Korea gaalkaap te in Feb 25,2014 ni
in gamgi dung ah gunkuang neu te tawh lausak nawngkaai sak ahihman in thau
aginkhaak ding lau huai hi ci in south Korea te in gen uhhi.
·
Russia gam Moscow khuapi leh Kremlin khuapi te
ah Russia kumpi langpang pawl in Feb 25,2014 ni in nasiatak in lungphona nei uh
ahihman in mi 500 palik te in mankhin ta uhhi.
·
Lam et hetloh leh genkhol hetlo in Israel Vanlam
gaalkaap tein feb 25,2014 ni in Lebanon gam nisuahna lam Syria tawh gamgi Bekaa
Valley khua sungteng nasia tak in kap in do uhhi ci in Lebanon state news in
genkhia hi. Hih gaaldona aneih sung mah un Hezbollah gaalkaap te phulum bang in
ongphul lamlam cih genbeh hi. Israel te bel atheilo bang in pauselo uhhi.
