Tulaai Leitung Thuthang
Tuamtuam Updates Feb 26,2014
Kawlgam Census & Zomi
Kawlgam
ah March kha 30 nipan kibawlding milip kisimna ah thudongding misim ding in Primary sang
sia/siama te kizangding a Middle& High sangsia te kicing sakding akisap leh
Siavuan/Siam ate kizanglaaiding ban ah amun amual a te kampau asiam mite kizang
ding, akipiazo amuanhuai kipawlna aom leh zong onghuh in kici maithei ci in
Census Committee te in genkhia uhhi.
HIh
tawh kisai in kawlgam om Zomi makaai te in ngaihsut pahding leh seppah
zanzanding in, Zomi Sangsia/Siama leh Zato lam naseem kicing in inei hiam???
Kawlpau tawh ahelh bualbual mihing khawng ongkipai sak khading hiam??? Mipi
deih gelhsaklo in tua gelhsuk un ci in atawngsawsaw ding uhhiam???? ZYA,ZCD
cihbang inkumpi tung register nei kipawlna ten volunteer akiseem theiding
hiam????
Akiseptheih
leh Register nei Zomi kipawlna te ah kiheltheihnading kumpi tung ah phu pah
zangzang a, azenzen in thumanlo omkha thei ahihman in acingding , aencikding
mizong kiseh in akisap leh ZRO/A zong Asia ah zum hongkhin ahihman in thau
nangawn tawh akul leh cin ding in ongvaai hawm pah zatzat un. No innlam a omten
ongsu unla ko apua lam aomten onghuai ding hi ung.
·
Kawlgam gaalkaap lam khantohna ding in
geelnatawh kawlgam sung alaaizang munkhat ah kawlgam gaalkaap kheempeuh
kipawlkhawm in gaaldo kisinkhopna khat Feb 15,2014 ni in kinei hi ci in kawlgam
Speaker huh U Ye Htut in Feb 26,2014 ni in genkhia hi.Hibang dan a mipi te
theisak a gaaldo kisinna peen leitung piankhiat zawh akhatveina ahihi. Hi thu hang in mualtung mithautawi te
lauthawng pian litlit uhhi.
·
Kawlgam sung a namkee thautawi kumpi langpang
kipawlna alianpeen ahi ‘O’ minamte kipawlna UWSA te amasa peen ongtungding
March kha 1 niciang kawlgam khuapi Nypidaw ah pai in Kawlgam president U Thein
Seim tawh kimuding ci in Feb 26,2014 ni in taangkokhia uhhi.
·
American gam a phualsaat leitung
gamkhantohnading apanpih kipawlna ahi USAID Ulian Dr Rajiv Shah Feb 27,28/2014
sung kawlgam ah ongzinding a , kumpi lam ulian te leh kipawlna tuamtuam te tawh
kimukhawmdng hi ci in Feb 26,2014 ni in taangkokhia hi. HIh USAID peen kawlgam
khantohnading a na tam aseempeen leh apicing peen kipawlna cileeng kikhiallo
ding hi.
·
Kawlgam khantoh natawh kizui in thukimpih in
ahuh phadial ahi USA gam keh Japan gampan thuneite leh Sumbawl mihaupi te Feb
25,2014 ni in Washington DC khuapi ah etphatna thukikupna khat nei uhhi. Tua
mun ah kawlgam sumzon sum vaihna tawh kisai in khangto mahmah hi cih mukhia
uhhi. Tuaban ah Japan te in hibang in kawlgam ongkhantohtoh vial leh
$1.5billion tawh huhding khensatna kanei uh cih zong genkhia hi.
·
Ukraine gam sung ah Russia deih leh deihlo
kikaal buaina lian seemseem ahihman in Russia deih President Viktor
Yanukovych kumpi ten matding in thu
aginsak phet in Feb 23,2014 ni in Russia gam ah vanleeng tawh nataai ahihman Kiev
khuapi sung Feb 26,2014 ni in buaina lian seemseem ban ah Russia deih leh deih
lo khennih akisuahding EU makaaite lauthawng mahmah uhhi.
·
Uganda gamsung ah Nu le Nu, Pa le Pa kingai kiteengkha te gawtzia ding thukhun
Nungkum December kha sung in Parliament ah thukimna nei uha, Feb 23,3014 ni in
President Yoweri Museveni in kipsakna suai kaai ahihman in mipi lungkimlo in
lungphona amunmun ah Feb 26,2014 ni in neiciat uhhi.Hih thukhun thak ah neih
kibang or Numei pasal ut, Pasal numei ut te
akitheih leh man in kum 15 thongkhia in akul leh khailupding cih ahihi. Thukim
mahmah ing hih Law peen
·
Israel gaalkaap vanlam te in Feb 24,2014 nipan
Lebanon gam Syria gamgi dungteng azialna hang in kilung kimhethet lo a nasia
tak in kathuk kikding uhhi ci in Hezbollah gaalkaap tein Feb 26,2014 ni in taangkokhia
uhhi. Israel Prime minister Benjamin Netanjahu
in Israel te bitnading ahihnaaknaak leh kuakua apau zong in kiseem
miahmiah lelding hi ci in Feb 26,2014 ni in taangkokhia hi.
·
Syria gaalkaap te in Feb 26,2014 ni in
Damascus khuapi nisuahna lamteng
vanlamtawh zial uh ahihman in kumpi langpang tapong 175 si hi ci in Syria state Media te taangkokhia uhhi.
January-February khasung bekbek Syria gam ah mipi 3,300 sikhin cizen hi.
·
San Francisco Vanleengtual ah June 6,2013 ni a
kibung khualzin mi 291 vanleeng nei Asiana Airline te US kumpi te in mipi
keplahna mawhmatna tawh sum $500,000 gam hi ci in Feb 25,2014 ni in taangkokhia
uhhi. Hih Vanleeng kibut hun in mi 3 si a 180 liam uhhi.
· Feb
25,2014 ni a kibawl UN Assembly ah UNHCR te in Syria gam te in Afghanistan gam
khengto in leitung ah gaaltaai atampeen suakta hi ci in genkhia uhhi. Syria gam
ah 6.5 million gaaltaai om in 100,000 sikhin a, 700,000 liam hi ci in pulaak
uhhi. Hih gaaltaai te Lebanon: 938,392, Turkey:
619,642, Jordan:
577,786, Iraq:
224,356, Egypt:
134,450
Khialhna aom khaak aleh ngaihdam bawm ah maw
Thang Khawm Pau Zomi