Tulaai Leitung Thuthang
Tuamtuam Updates Feb 24,2014
Kawlgam
Census leh Zomi
Ongtung
kuanta Kawlgam milip kisimna ah iminammin man Zomi icih kimtheih nading in
kawlgam sung a om kipawl kheempeuh in nasiatak in kawlzaangkuam, Khamtung
gamkheempeuh ah nasia tak in na asep laaitak hia, Sumtampi tak mah kisam
ahihman in kawlgam gampua lam a om Zomi kheempeuh in thasaan in ipanpihding
konghan thawn nuam hi.
2014
Zomi National Day Bowling Green khua ah Zomi Census Fund cih thulu tawh nasia
tak in Pu Thang Khawm Pau in genna ongnei mipi in iminam kivei mahmah ahihman
in kipiakhia ziahziah in $800 vaal kingah hi. Sum kheempeuh ZIUSA tung ah
puakding in thukimna kinei hi.
Zomi
ait te ading in tulian peen naseptheihna hun hoih mahmah hia, min bang acitam
cih hilo zaw in ken bangzahtawh ma kapangzotam acikim ding in konghan thawn hi.
Khedap khat puankhat ahioh piannaak leh $100 hipahpah lel a mikim in kisilh zo
lel hi. Tutung lian ah mikim in khedap khat leh Zomi koi manpha zaw ci in
lungngai ding in konghanthawn hi.
Khanglui
ten puakkhop zangh acih mahbang in ineihsate gawmkhawm leeng zangh in natampi
kiseemzo ding hi. Kambek tawh gengen, laai bek tawh atat tepawl leh Huih bung
tawh Zomi kilaamzolo ding hi. Kawlgam a om imakaaite in ongsuding a, ei gamdang
a omten huai ding hang ci in konghan thawn nuam hi.
·
Kawlgam Chin state Mindat khuapi a kibawl Chin
National Day ah Kawlgam President U Thein Sein in apai theihloh nading leh
alungdam pihna laaipuak in , Bowling Green,Kentucky USA a kibawl Zomi National
Day ah Governor Steve Besthear in ongpai theihloh nading leh onglungdampih na
laai ongpuak hi.
·
Kawlgam sung a minam 135 tawh mikisim ding
cihtawh kisai in phuahphatding thu Feb 24,2014 ni in Amyotha Hlutdaw khawmpi ah
kikum uha, Kawlgam Immigration zalian nihna U Win Myint in hihthu peen ani naai
mahmah ta ahihman in kisim khitciang hoihtak in kiphuahphading hi ci in dawng
hi. Kawlgam ah mi kisimna bawlphatna kumtampi sung ah omlo a kipsakna kician zong omlo ahihman hih 135
peen man hi kici theilo a, mikisim khit ciang pawlkhat kiphiat ding , pawlkhat
kibehlap ding hi ci in genbeh hi.
·
Thailand gam kumpi langpang mipi te lungphona
phualpi Bangkok khuapi sung ah Feb 24,2014 ni in Bomb khat puakham a naupang
numeino kum 4 khat leh adang nih si in mi 20 in liamna ngah uhhi. Hih bang
naupang sihna apianphet in UN General Secretary Ban Ki moon in Thailand
gambuaina aventheihna ding in UN in palaai aseptheihnading in heel hi.
·
Ukraine gam buaina khangsemsem ahihman in
Ukraine President Viktor Yanukovych
matding in Home Minister Arsen Avakhov
Feb 24,2014 ni in face book tung pan taangkokhia hi.
·
Kumsim a aneih den uh South Korea leh USA te
kipawlkhawm a gaaldo sinna north Korea te deihloh kawmkaal ah Feb 24,2014 ni in
kipan ta uha, April 18,2014 niciang manding uhhi. Hih gaaldona kisinna ah US
gaalkaap 12,500 kihelding a, Computer,Vanlam,leilam ,tuilam acing in kimawl
ziahziah ding uhhi.
·
Egypt gam Prime minister aseempak Mr Hazem Beblawi in ahanggenlo in
Feb 24,2014 ni in gambup TV tungtawn in anasepna pan kakhawl hi ci in lam
etkholh hetlopi in taangkokhia hi. Amah peen 2013 President Morsy akimat pan
akisehpak Prime minister ahihi.
·
Pakistan a om Taliban gaalkaap Zalian peen
Mr Asmatullah Shaheen Feb 24,2014 ni in
alawmte tawh Miranshah khauneu khat ah ahawhlaaitak amin kitheilo thautawi
pawlkhat in nakap in amah leh alawmte thum si uhhi ci in tuakhua aom mite leh
asanggamte in taangkokhia uhhi.
Khialhna aomkhaak aleh ngaihdam bawm ah maw
Thang
Khawm Pau Zomi