Tulaai Leitung Thuthang
Tuamtuam Updates Feb 10, 2014
Zomi & Census
Zomi
Census 2014 tawh kisai in akitaangsam bang gending leh mipi tetung thuman
thutak theisakding in ZCD,ZYA,ZRDP,ZOFA,GZA,Siamsin,UZO leh adangdang pawlkhat
te Kawlzaangkuam khua tuamtuam teng ah zinkawikawi in mipi tha kingah mahmah
cihthu kiza hi. Tua ban ah asawtlo in Cikha township, Tozang township leh Tedim
Township te ah alemthei bang in khuasim ah kuanding uh cihthu zong kiza
hi. Sum peen atawmpeen kawlsum in K/s
80,000,000 bang beiding in kilam en a,
Kawlgam sung a om Zomi mihau teng in siziau nuam himah hivaai ah leitung
muntuamtuam a om Zomi kheempeuh kihelnuam ihihman gampua a te kizang masa ding
hi.
Tuciangciang
Sum kingahsa $10,000 kiim cingta a ongtungding Zomi namni ciang zong amunmun ah
Fund ki raise ziahziah laaiding cihthu kiza hi. Zomi khat a piang nahih naak
aleh hih Cesus vaai ah atawmpeen $100 kihel hamtangding in kongzawn hi. $100
icih peen Puansilh khat man hilel a Zomi i-it na leh Puansilh khat ongkitehsakding
hileh utdeksamlo ding hihang. Tua ahihman Zomi na it na zahzah Zomi Innkuan USA
ah napia khia ziahziah in. $10 napiak leh Zomi man $10 a atuat nahi a $100
napiak leh zakhat man asa na hihi.
Lengtong
Kamkhen cihbang in Internet leh Veih bek tawh minam it Kankan bek hilo in
tutung in Zomi ka itna sumtawh tuatleeng bangzah cih nakingaihsun inla pia in.
Apia kheem peuh min kiciamteh ahihman in Huibung leh ataktak tutung kician
mahmah ding ahihi.
·
Thailand Gaalkaap Bu sinlaaitak mi 700 leh Gaal
vanleeng thum apau tembawpi ongtungding Feb 19,2014 niciang Yangon khuapi sung a Tilahwa Tembawpi khawlna mun
ongtunding uha , Kawlgam gaalkaap te tawh kilawm taatna ni 5 sung nei ding
uhhi.
·
Germany gamte in kawlgam te sumbat 50%
maaisakding baan ah acianlaai 50% koici piakding apiakdan ding damtak in geelto
laaiding in gamnih thukimna Feb 10,2014 ni in Suai Kaai uhhi.
·
Kawlgam sung a Khualzin vaanleeng te Boeing 737
tetawh laihzawh nading in Boeing 737 vaanleeng 12 kikawm ding a kileengsak ding
hi ci in Kawlgam Vanleeng lam thuneiten gen uha hihthu peen Feb 11-16 Singapore
gam a kibawlding Vaanlam tawh kisai khawmpi ah taangkokhiading ci uhhi.
·
US te leh South Korea gamte in ongtungding Feb
24- April 18 nisung gaalkaap tha mi
12,500 tawh kipawl gaaldo kisinna hun nasiatak in zangding hi ci in langnih
kipawl in Feb 10,2014 ni in taangkokhia uhhi. N Korea gam a Pasian naseem
thongtang Mr Kenneth Bae vaai kihoding US leh N Korea te thukimna sa om hina pi
N Korea lampan akhelkik na uh lungkimloh lahna zong ahihi.
·
Africa leitang Burundi gam I khuapi Bujambura khuapi sung ah Feb
10,2014 zankim mi te aihmutkaal un nasia tak in tuikhang in men kicim ziahziah
ahihman in atawmpeen nikhat thu in mi 50 sita hi ci in kumpi thuneite in
taangkokhia uhhi.
·
Australia gammi Schapelle Corby Indonesia gam Bali khuapi sung aom thong
innpi sung pan Feb 10,2014 ni in suahtaakna ngah ta hi. Amah peen 2005 kumpan
Guihtheih khamtheih zuakna tawh kiman hi a kum 20 thongkiading a thukikhen
ahihi,.
·
China gam ah Numei te kuahawm sumtawh kawmna
nasia seemseem ahihman in kumpi lamte in siansuahding hanciam mahmah uha, Feb
10,2014 ni in Dongguan khuapi sung ah Kuahawm kizuakna mun 22 khakcip in Palik
zalian nih leh kawhawm zuak mi 67 mankhia uhhi ci in Xianghua thukizaakna in
genkhia hi.
Khialh na aom khaak aleh Ngaihdam bawm ah maw
Thang
Khawm Pau Zomi