Tulaai Leitung Thuthang
Tuamtuam Updates Feb 11,2014
·
Kawlgam President U Thein Sein sapnatawh kawlgam
ahawh Germany President Joachim Gauck in Feb 11,2014 ni n Yangon khuapi sung a
om Yangon University sung ah thugenna nei a, Kawlgam kiheelna apaaktat na thu
leh Germany gam in ahuhnading thu limgen peen hi.
·
UN Mihing ngahding a kilawm hamphatna veengpawl
pan Kawlgam vaai ah thuneipi Mr Tomas Ojae Quintana ongtungding Feb 14-19 sung
kawlgam sung ah atawpna khualzinna neiding hi ci in Quintana zumte in puangkhia
uhhi.
·
Algeria gam te neihsa Gaalkaap te puakna
vanleengpi C-130 khat Feb 11,2014 ni in Algeria gam saklam Oum Al Bouaghi province
Algiers khuapi pan tai nisuahna alm tai
280 na Djebel Fertas mualtung ah kia in
misisa 70 kimu phot a adang kizong san hi. Hih vanleeng tung ah mi 103 tuang
uha, avek in gaalkaap te leh azi ata a innkuan pih te vive ahih uhhi. 2003 kum
in hihmun lian mah ah khualzinmi 103 lian apua vanleengkhat kia ngei a avek un
sikhin uhhi.
·
USA gam ong ngaihhawh French President
Francois Hollande President Obama in White House pan picing
tak in muakna Feb 11,2014 ni in nei a,
2003 kum Bush hunpan athahaatlo French leh US kizopna akilampha ahihna leh
akipeen ahihloh hang kipmahmahta ahihna langnih kumpi tuak in genkhia uhhi.
·
1949 Chinese Civil War pan kipan ui leh ak abang
akiho nuam kiuhkeuh lo China leh Taiwan gamte amasapeen kiho khoptuahna Feb
11,2014 ni in kipan ta uhhi. Ahizong in bangthu ten gkikumding a bangseemding
cihthu langnih tuakpan bangmah thu gingsak naailo uhhi.
Khialhna aomkhaak leh ngaihdam bawm ah maw
Thang Khawm Pau Zomi
