Tulaai Leitung Thuthang Tuamtuam Updates Feb 8,2014
Zomi or Zo Mi
Zomi
ahihkeh Zo mi te peen minam dangte tawh kibanglo in mintap nei, Beh tawh khang
kisimte ihihi. Tuaban ah Min I phuah ciang kahtap ( adeihna nei ) in min
kiphuak a, minamdang te tawh akilam dangte ngiat te ihihi. Kamin Thang Khawm
Pau hi a Kapu Luai Thang in mikheempeuh kagawmzo a, kamin athang vangvang cih
adeihna in kamin Luai Thang –Thang Khawm Pau ongphuak hi. Khalkha pawite leuleu
ciang Gamvaak in sakhat akaap leh sipah ahihman tu aneihciang Kal Lum ciphuak
lel hi.
Pawlkhat
te in PUzo suan civengvang zawzen in Puzo bangbeh cin kadotdot hanglah ongdawng
thei omnaai kei in keimuh naciang ah Zomi or Zo Mi te peen Beh tawh khang
akisimte ihia, beh icihciang zong atom in Sanggam cihna ahihi. Hihpeen mikim in
itheih leh theikei the ongkici leh asi ngamding vive ihihi.
Banghaang
in Ibeh isang gam sang athupi masazaw kuamah omlo hina pi in tua ibeh iphung
tesang awsuah, awkaih, Tenna mual le guamte iminam bang inngaihsun in ibeh
iphungte tawh sanggam meelma ding zahdong ongpiang thei ahihiam? Kua in onghai
sak hiam? Ahai mah ihihiam akuate
itmasak zawding hiam? Cih lungngaih huai kasa mahmah hi.
Kabeh
Sektak hi in, Pawlkhat Thado pau in pau ei Pawlkat paihte pau in pau ei
pawlkhat Zo pau in pau ei Pawlkhat bang Israel minam nakici in Israel bang ah
natung uhhi.
Iminam,
ibeh Unau sanggam icih in kuate himawk hiam????????????
·
Iran gamte neihsa Gaal tembaw pi Tuipi tung ah
Gaalkaap 30 leh Van leeng ganvan akicing tawh kha 3sung gaaldo kisin in ding in
Feb 8,2014 ni in kuankhia a amasa peen US te uksung tuipi gamgi neh mahmah uhhi
ci in Iran media te in gen uhhi. US ten ahihleh mikheempeuh in International
tuitung ah khualzin thei a a ahizong lamkhialh lohding thupi ci uhhi.
·
Leitung ah Muslim biakna zuite pawisim napi ahi
Saudi Arabia gam Holy City of Medina khuapi sung a om Biakna vaai a khualzin
mite giahna Hotel khat ah Feb 8,2014 ni in bomb puakkham a mi 15 sipah in 130
liam uhhi. HIh bomb puahkhap laaitak in gamdang biakna vaai akhualzin 700 hih
Hotel ah agiah laaitak ahihi.
·
Piantit gam khanglam Digne-Les-Bains khuapi sung ah khuasung vaakte tuanna
meileeng khat Feb 8,2014 ni in kibung a mi 2 si in 9 aliam kimu ta hi. Hih
meileeng kibut huhau in meiphelh mi 100 in kintak in na asep laaitak ahihi.
·
Tuma kha 7 laai a Panama kumpi thuneite mat Cuba
gaalvan apua North Korea te tembawpi North Korea te in Panama thuneite kiang ah
$700,000 apiak khit uhciang Feb 8,2014 ni in naciahthei ta uhhi ci in Panama
thunei te in taangkokhia uhhi.
·
Brazil gam Rio De Jeneiro’s khuapi sung ah kumpi ten Bus tuanman akhansak
lungkim lo in mipi tampi tak in Feb 8,2014 ni in lungphona nei in saankhah
semseem uh ahihman in Palik te tawh buai uh akhuasung vaak kheempeuh dipkua in
om uhhi.
Khialhna aom leh Ngaihdam bawm ah maw
Thang
Khawm Pau Zomi