Tulaai Leitung Thuthang
Tuamtuam Updates Jan 31,2014
Zomi Census 2014 leh Code 914
Ongtungding
March –April khasung kawlgam a kibawlding milip kisimna Census ciang Zomi te
anengneng in kikhen nawnlo in Code 914-Other acihna mun ah Zomi gelhding Iminam
makaaite in mipi tung ah onggenkhin zo uh ahihi.
Hih
thu tawh kisai in Minam makaai ahilo akitei tangsak leh Pawidawi vei pawikhat
in Other-914 ah koih lehang Rohingya tetawh kibang in minam neilo suakding ci
in a upmawh thu uh amawk genkawikawi Dotloh Sia nengneng pawlkhat om hi.
Rohingya
tetawh kibangding acihna mun ah itelding in Code 401-Chin hi a haikisa a inuam
huaihuai 4 tawh akipan Code nei Zo,Sihzang,Teizang,Tedim,Saizang cihte ah ikoih
leh Rohingya tetawh kikim a kumpi
ongkoihna hizaw hi. Banghang hiamcih leh
Rohingya ten gamneilo in Rakhaing gam ah beel uhhi. Tuamah bang in aTung a 4
tawh kipan Code tengzong Chin abeel hi a gamneilo ahihman in Rohingya status
vive ahihi.
914
Code ah Zomi ci in igelh takciang in Zomi ihihna ongkilom lahding a Rohingya
tetawh Igelhna mun akibat hang Zomi-Rohingya laaimal akibat loh mahbang in
minam zong kibanglo a gammi hihna zong kibanglo hi. Zomi te peen Burmese minam
a om ma a Kawlgam leingak minamte ihi a Rohingya te peen koi mah a talo
Bangladesh pan Rakhaing gam ongleet mivaak thaap te ahi uhhi.
Tuaban
ah 914 mun ah minam min agelh teng minam kibang cihna hilo a Code numbet kumpi
te piakkholh teng adeihlo kheempeuh in gelhtheih ahihbaan ah tuamun a gelh
kheempeuh NRC a kaang kipiading cihthu kawlgam thukhunpi ah omngeilo hi.
Zomi
adeihlo MP khat interview akibawlna bang ah 914 mun ah Zomi ci a a gelhteng
Rohingya tawh kibang a NRC akaang kipiading hi cimawkmawk pong in mitlim lang
bulh leemlaam ahihciang kenbel theisiam ing. Ahizong in aminam pihten zato lak
leh deihsak huai kasa hi.
Tua
ahihman in Zomi kheempeuh in Code numbat 914 ah Zomi ci in igelhding
lunghianglo tak in khensat in ikiim ipaam a a ampau pau te tawh buailo in
imanawt kimding ahihi.
·
Kachin gam Mumaut, Mansi township sung teng ah
Jan 30,2014 nithapaai phial in KIO gaalkaap te leh Kawlgam gaalkaap te nasia
tak in kikaap uha, munkhat beh ah hilo in munli bang ah kikaap uhhi ci in Khua
sungmi gaaltaai te in Jan 31,2014 ni in
genkhia uhhi.
·
Mandalay Division Minister U Ye Myint Tuanna
mawtaw Jan 31,2014 ni in Shan gamtawh
kikaal Nawngcho khuasung ah amikitheilo pawlkhat in Bomb nasiah in Minister pa
bel liamsamlo napin adang mithum liam uh a khat naakliam mahmah hi. U Thei Sein
kumpi sepzawh Minister akisuam masa peen ahihi.
·
Tuma Kum khat le alang laai a President U Thein
Sein in akhawlsak Kawlgam Irrawaddy gun
kapi akhaaktan China Power Investment CIP
company te in nasep nading tawh kisai amun a omte tawh maaitang kingat
in kiho nuam ung ci in Kachin minam
kipawlna KNDG te Jan 31,2014 ni in heel
uhhi. Hih tawh kisai in KNDG ten muak bilbel uh a ahizong CIP ten onggen mapek
un nasemsem uhhi ci in genkhia uhhi.
·
Central African Republic CAR te khuapi Bangui khuapi sung ah Christian
leh Muslim kikaal buaina Tuesday Jan
28,2014 pan 31 nidong nasiatak in piang a kuamah in khenzolo ahihman in
ni 4 sung in mi 41 si in 71 naakliam uhhi.
·
Leitung a Mawtaw bawl company lian peenpeen ahi
Toyota Company te in USA gam zuaklianding a Dealer a kikoih Toyota Camry 36,000
atutna lumsakna hoihlohna hang in zuaknawnlo photding in Jan 31,2014 ni in
khensat uhhi.
·
Pakistan gamte te Gaalkaap mangpi leh kumpi lui
khat ahi Pervez Musharraf January 2,2014 ni
in Inn a akikhumcipna pan thukhenzum pai a paina lamlaaizang pan ka
awmna zato kilak nuam ing ci in zumkahlo ahihman in Pakistan thukhen zumpi te
in Jan 31,2014 ni in matding in thupia uhhi.
Khialhna
aom leh Ngaihdam bawm ah maw
Thang
Khawm Pau Zomi