Tulaai Leitung Thuthang
Tuamtuam Updates Jan 30,2014
·
USA te in 2005 kumpan Thailand gam a om
gaaltaai alomsap uh mi 73,000
bang cingta a tu in khawlta ding hi ci in US gampua kizopna taangkopi
Jen Psaki in Jan 30,3014 ni in taangkokhia hi. Ahangpi peen ahihleh USA gam ah
teengding a sap uh hinapi atamzaw lungluutlo in ongpuak kik un ci a angen tawh
amau le amau a aciahtawh om uhhi ci hi. Azenzen a ut aomlaai ahihleh
ngentheilaai sam uha ahizong in piakding telak ah akihel leh bek ngahding hi
cih genbeh hi.
·
Kawlgam sung Phone zuak theihnading a kumpi te
kidemsakna pan gualzawhna angah Qatar gamte neihsa Ooredoo phone company te kawlkum pi te in Jan 30,2014
ni in naseptheihna pia in mipi maai ah taangkokhiat na nei uhhi. Gualzawhna
angah khat mah ahi Norway gamte neihsa Telenor company te azong Feb 5,2014
niciang naseptheihna piakhia in mipi maai ah taangkokhia ding uhhi.
·
Shan minam thautawi kipawlna RCSS te leh Kawlgam
kilemna vaaihawm makaai U Aung Min te Jan 30,2014 ni in naikhat sung Thailand
gam Chinmai khuasung a om Green Lake Resort sung ah kimukhawm uha, kawlgam
kilemna suaikaih pawipi ah RCSS te apainading in U Aung Min sapna nei hi ci in
RCSS te in genkhia uhhi.
·
Asia gam lam vaaisai zalian nihna Britain Vuanzi
Hugo Swire in kawlgam peen 2008 thukhunpi laihnading, Mualtungmite tawh
kilemnading cihbang masuan lian mahmah aneihna ah Gaalkaap maang tetung thukheem
peuh kinga hi. Tua ahihman in Gaalkaap Mangpipa in taangthu hoih agelhding
kilawm hi ci in Jan 30,2014 ni in genkhia hi.
·
USA gam khanglam Adiak in Atlanta
·
Tuma Kha 6 laai a Panama te mat Cuba te gaalvan
Tembaw tawh apuasim North Korea tembaw naseem 34 lak ah 32 te
khahkhia tading ci in Jan 30,2014 ni in Panama thunei te in taangkokhia uhhi.
Tembaw naseem Bu pa leh nautaang khat mansuaklaai ding uh ci hi. Tembaw ahihleh
aneipan in $670,000 tawh tanhding in thukim ci hi.
·
Geneva khuapi akibawl Syria gam kumpi leh kumpi
langpang te thukikupna mumal meel omlopi in Jan 30,2014 ni in manbawl uhhi.
Tutung a peen telmun meel omnaai kei in Second Round maaikaal ah zaknop mahmah
ding hi ci in UN Envoy for Syria Lakhdar
Brahimi in genkhia hi.
·
2014 Kawlgam Census ciang Naga te
leh Zomi ten Chin deihlo ihih man in Pawidawi alung kham mahmah a CNACC kici Census Tanu ding kipawlna bawlzo uhhi. Hih CNACC te in Jan 30 ni in Kawlgam misimna
thunei te tung ah ahun ongkhansak un cin ngen uhhi. Hih Chin sung ah
Zomi-Kahbia pawlkhat om ahihman in pil vaang kuulding hi. Azenzen in hih CNACC
pan Temdim,Tonzang lam ongkah aomkhaak leh ithah pahpah kei leh vaai nawngkaai
kha ding hi.
Khialhna
aom khaak aleh ngaihdam bawm ah maw
Thang
Khawm Pau Zomi