Tulaai Leitung Thuthang Tuamtuam Updates Feb 1,2014
·
Kachin gam Bamaw Bial Mansi Township sung ah
Kachin gaalkaap KIO te leh kawlgam gaalkaap te Jan 31 nipan Feb 1,2014 nidong
nasia tak langnih kikaapna piang hi. Kikap na thu KIO te huangsung a sing zuak
singlei te kawl gaalkaap te in vaman ahihman in kikapna piang ci uhhi.
·
Kawlgam President U Thein Sein in khasim
thupulaakna aneih na ah Feb 1,2014 ni in mipi zaakding in kawlgam sung ah
azawng ahau kikim tak a nghatheihding in cidamna lam leh pilsinna lam ahoih
theipeen ding in kahaan ciamding hi ci in genkhia hi.
·
Indonesia gam Sumatra tuikulh tung ah Feb 2,2014
niin meimual puakkham a mi 14 si in mipi tampi tak inn le lo nusia in bitna
zong in kiheem mang uhhi. Indonesia gam ah apuakkham thei laaiding meimual 130
omlaai ci in mipil te in genkhia uhhi.
·
India gam Delhi khuapi ah Jan 29,2014 ni in University sangnaupang khat akisatlup nahang
in sangnaupang te lungkimlo in Feb1,2014 ni in sangnaupang tampi tak in
lungkimlohna lak uhhi.
·
Sudan gamsung gaaltaai micimawh te ahuh apanpih
ahi ICRC te anasepna pan khawlding in Sudan kumpi te in Feb 1,2014 ni in thupia
uhhi. Sudan buaina sung ah mi 300,000 in sihlawh khin a tampi tak in inn le lo
nuasia in buknading zong uhhi.
·
Thailand gam mipi a million asim ding in mee
khiatding Feb 1,2014 ni in angak laaita un kumpi langpang mipi te in
lungkimlohna nasiatak in lak uh ahihman in buaina lianpi pianga mi 6 liam hi.
Kumpi langpang te in Prime
Minister Yingluck Shinawatra apan mun pan akhawl masiah mee khialo in
lungphona na neiding ci uhhi.
·
Spain gam Madrid khuapi sung ah mipi tampi tak
in Spain kumpi te bawlthak nauphiatnading thukhun deihlo in lungphona Feb1,2014
ni in nei uhhi. Spain kumpi thukhun thak sung ah naupaai nupi khat in kaal 14
sung in nauphiat thei cih thu ahihi.
·
Hezbollah te uksung Lebanon gam I khuapi Hermel
khuapi ah mawtaw khat Feb 1,2014 ni in
bomb tawh puakkham a mi 4 si in pawlkhat liam uhhi. HIh bomb puahkhapna peen
tukaal sung in anihveina ahihi.
·
Philippine gam Mindanao tuikulh tung ah Muslim
migilo te in Feb 1,2014 ni in bomb puakkham sak uha, mi 14 nasia tak in liam
uhhi. Hih mun teng ah Muslim tapong te leh kumpi te kidona hang in Muslim
migilo 50 vaal tukaal sung in si uhhi.
Khialh
na aom leh ngaihdam bawm ah maw
Thang
Khawm Pau Zomi