Tulaai Leitung Thuthang Tuamtuam Update Jan 4, 2014
A 66 veina Kawlgam suahtakni phawkna pawi Yangon NLD zumpi ah 1/4/14 ni in thupi tak in bawl uha, Kawlgam sung ah Democracy diktak apiannading, 2008 thukhunpi Gaalkaap leh mipi te phattuam na apiannading in NLD i thupomzia tawh kituak in laihzawh nading hanciam toding cih thu te Daw Aung San Suu Kyi in mipi te tung ah genkhia hi.
India leh Kawlgam gammi ahi Tamu dungsuk ah mipi te ngetna haang in India-Myanmar gamnih palaai ten Jan 6,2014 ni pan kipan gamgi kihenna kigi enpha in kiciantak in tehpha kikding hi ci in Tamu District Ukpi U Kyaw Zaw Lin in 1/4/14 ni in genkhia hi.
Kawlgam 8888 sangnau pang kipawlna pan Ko Min Ko Naing makaai in sangnaupang mi 8 te in Daw Aung San Suu Kyi 1/4/14 ni in a teenna Inn Yangon khuapi ah vakimuh pih uh a, Tulaai Kawlgam gamvaai thupiang tuamtuam te akiholim ban uh ah Daw Suu in 2008 kawlgam thukhun tawh kisai ama muhna genkhia hi ci in Meeting kah KO Htay Cuai in genkhia hi.
Antarctic tuipi tung ah December 24 pan Tuikhalhna haang a a awk China te tembaw pi khat leh ahon khiading in Australia,Russia leh China te ngetna tawh 1/4/14 ni in US te tuikhal phulkham Tembaw pi kuan khia litlit ta hi. HIh Tembaw tung ah mi 52 tuang a miteng Jan 2,2014 ni n China te in Helicopter tawh tuahkhin zo uhhi.
Bangladesh gam ah tulaai tak a bawl uh kiteelna deihlona haang in mipi in lungphona nasiatak in nei uh a, Palik te tawh 1/4/14 ni in nasia tak in kiphul uh ahihman in mi 4 si in pawlkhat liam uhhi ci in BBC in genkhia hi.
Iraq gam i khuapi Baghdad khua nitum nalam a om Fallujah khuapi Al Qaeda migilo tein buluh in Iraq kumpi te khutsung pan 1/4/14 ni in lakkhiat sakta hi ci in Iraq gam kumpi neihsa thukizaakna te in 1/4/14 ni n taangkokhia uhhi.
Laaimal kikhial kha aom khaak aleh ngaihdambawm ah maw
Thang Khawm Pau Zomi
