Tulaai Leitung Thuthang tuamtuam updates Jan 5,2013
Kachin mina thautawi KIA leh Palong minam thautawi PSLF te kipawl khawm in kawlgam gaalkaap te tawh Jan 4/14 ni pan nasia tak in kikap uha, asi aliam tampi tak om ahihman in Kawlgam bup kilemna tawh kisai thukikupding nawngkaai sak zoding hi ci in PSLF te in taangkokhia uhhi.
Karen minam thau tawi KNU Makaaipi Buhkyohkyi Saw Mu Thu Si Phu leh alawmte Jan 5/2014 ni in Kawlgam President U Thein Sein, Kawlgaal kaap zalian pawlkhat tetawh kawlgam kilemnading kimukhawm uha, kihona sialo hi ci in KNU te in genkhia uhhi.
Thailand gam i Prime Minister azaa pan akhawlnading leh Jan 13,2014 anunung peen Thailand kumpi nasepna akhawlcip nading ngeen in Thailand kumpi langpang pawl mi a tulsawmlom asim in Jan 5,2014 nipan Bangkok khuapi sung lungphona kipan kik ziahziah uhhi.
USA gam leh Canada gam the ah kumdang saang in alamdang mahmah tham in khuavot a, vuuk zong tamzaw ding ci in Khuahun siamte in Jan 5/14 ni in taangkokhia uhhi. USA asang lam leh Canada te ah Jan 4-5,2014 nisung -58 F Degree , Kentucky bang ah alamdang mahmah in 2F Degree cihbang in votding ci hi.
Israel gam Tel Aviv khuapi ah Africa gam pan gambeel peemta mipi 1,000 vaal in Jan 5,2014 ni in nasia tak in lungphona nei uhhi. Israel kumpi thukhun in Israel gamsung ah phalna omlo a aluut simte thusitlo in kum1 ciang thongkiathei chi thu adeihlo uh ci in genkhia uhhi.
Saudi Arabia gam Mashhad khuapi pan Medina khuapi abawh khualzin mi 315 apua Saudi Arabian Airlines Boeing 767 Jan 5,2014 ni in cimawh in thukin in leitu a, mi 29 liam in thum naakpi tak in liam hi ci in Saudi Airline te in taangkokhia uhhi.
Pope Francis in Jan 5/2014 ni nipi thupha piak kawm in May kha 24-26 sung Israel gam Holly Land, Jerusalem, Bethlehem leh West bank te ah hawh in Jesu khekhaap zuiding kazin ding ci in Vatican pan taangkokhia hi.
Bangladesh gam gambup kiteelna adeihlo mipi te leh palik te nasia tak in Jan 5,2014 kibuai uha, mipi 18 si in tampi tak liam uhhi. Monday Jan 6 ni kiteelna ah guahzawhna angahte taangkokhia ding in geelna nei uhhi.
Laaimal kikhial kha aomkhaak leh ngaihdam bawm ah maw
Thang Khawm Pau Zomi
