Tulaai Leitung Thuthang tuamtuam updates Jan 7, 2014
Daw Suu leh Lutol mangkhat Zomi te' khuakhat ah pai in Lutol pan apiak sumtawh kilam sanghonna nei cihthu news ah kamuh ciang ????? Zomi te pawlpi tam mahmah ,Christian isuah sawtmahmah , piang thak they mahmah, Banghang i Zomi pihte Lutol ten huh mawk hiam??? Tuabek hilo khamtung gam khuata te ah ann duh in imipih Zomi te kap ziahziah laai uhhi. I Mission nasep cih koi ah???? Biak Inn vandawn holh a lamlam maiding maw???? Van ah sum kikhak to thei maw????? Thu umlo ten ei a umte onghuhding maw??? Ei te in thu umlo te ahuhzote hiding????? Ngaih sut huai mahmah hi Satan in gam omkeek ta hi.
Jan 7,2013 ni in Kawlgama Khuapi Nypidaw ah Kawlgam sung sumzeekziading tawh kisai thukikupna khat Vuanzi teng in nei uha, 2014-15 sung kumpi naseemkheem peuh khasum Ks20,000 ta kikhanding a Pension zong akilawm akituak in kikhanding hi ci in U Thein Sein in genkhia hi.
Kawlgam sung Gamvaai Political party the let Mualtung namkee mi the party kikhawm party vekpi 11 te in Federal Democratic Alliance (FDA) party pikhat phuhkhiat ding in Jan 7,2014 ni in makaaiteng in suaikaai in kipsakna taangkokhia ta uhhi.
US gam New York khuapi aom WTC innpi Osama Bin laden 2001 aphulna pan kaliam kabai, na kaseem zonawnkei cikhem in kumpi huhna anesim Palik 72, Meiphelh 8 leh kumpi zalian 5 te kiman kik a , thongsung pan apusuah nop uhleh mikhat 1 million tawh athusian dong thongpualam omthei ci in Jan 7,2014 ni in New York khuapi thunei te in tangkokhia uhhi.
Venezuelan gamma Miss Universe 2005 Monica Spear kum 29 leh Apasal British mi Thomas Berry te Venezuela gam Merida khuapi pan Caracas khuapi lamzuan in atanu uh kum 5 aphapan khat no khawmkawm in ongzaan vaak hialhial laaitak uh jan 7,2014 ni in lamkiang pan migilo ten thautawh nakaap uha, Meelhoih Monica leh alawmpa sipan in Atanu uh aliamna tawh zato kipuak hi.
UK gam Norfolk khua saklam ah Jan 7,2014 ni in US gaalkaap te zat HH-60G Pave Hawk Helicopter pikhat Excise abawl laaitak un kia a atung atuang US gaalkaap mi 4 te sipah uhhi ci in BBC in genkhia hi.
Democratic Republic of Congo gam i khuapi nihna ahi Lubumbashi khuapi sung ah kumpi gaalkaap te leh gamsung tapong te n'ai 8 sung vilvel Jan 7,2014 ni in kikaap uh a, mi 26 si uhhi ci in Congo palik te in taangkokhia uhhi.
India gam Maharashtra state sung ah Jan 7,2014 ni in meileeng khat kaang a atung atuang khualzinmi 9 si in tampi tak zato ah kipuak hi.
Taiwan gammi Tseng Lien-fa kum 42 papi khat jan 3,2014 ni in gunpang khat ah tuipeekding a apai tuikia suak a, nai 60 sung tuisung ah akiatkhit ciang Jan 7,2014 ni in kimukik in nasilo ahihman zato kipuak in Siavuan te donna tawh damkik ahihman in lamdang kisa mahmah hi.
Laaimal kikhial kha aomkhaak leh ngaihdam bawm ah maw
Thang Khawm Pau Zomi
