Tulaai Leitung Thuthang tuamtuam updates Jan 6, 2013
Kawlgam Democracy makaaipi leh NLD makaai Daw Aung San Suu Kyi Jan 6,2014 ni in Kawlpi tung a mi tultampi tak in lawptak in namuak ziahziah uhhi. Kawlpi ZCD tepiak Puandum thak liklek silh kawmsa in mipi tul tampi maai ah thugenna nei hi. Jan 7-9 sung teng Tedim khuapi, Khalkha khuapi , Falam khuapi leh Mindat khuapi te ah zinto ding hi.
March kha kawlgam mipi kisim ciang in Kuki minam te in Chin kici lo in Kuki minam ngiattawh atuam in minkhumna kawlkumpi ten aneihsak theihnading in Kawlgam President U Thein Sein tung leh Immigration Minister tung ah kangeending uhhi ci in Kuki Numei Human Rights kipawlna makaai Daw Ngai Ngai in Jan 6//14 ni in Yangon khuapi ah genkhia hi.
Kawlgam sung tualgaal haang a cihmawhna athuak Mualtung mite akhantoh theih nading in ongpai laaiding kum 5 sung Japan gamte in Dollar Awn 100 tawh panpih ding hi ci in Jan 6,2014 ni in Japan Palaaipi Mr Mikio Numata in Yangon khuapi ah genkhia hi.
Leitung ah Phone leh TV tam abawlkhia mahmah Samsung company te vanbawlte ahoihluat lohlam kitelseemseem ahihman in nungkum October -December khathum sung bekbek in ameetna ah 18% ah kia suk hi ci in Jan 6,14 ni in Samsung ten taangkokhia uhhi.
Bangladesh gam kumpi langpang ten nasia tak alangpan na kawmkaal ah gambup kiteelna Jan 6,14 ni in zothei uha, Parliamentary tutna 300 akidemlak ah Awami League party te in tutna 200 tawh gualzawh ngah uhhi.
USA gam ah tuma kum 100 sung ah aom ngeinaailo Amasa peen numei gambup Bank thuneiding in Janet Yellen Hlutdaw dawl tungnung te in kipsakna Jan 6,2014 ni in neitaktak ta uhhi.
Laaimal kikhial kha aomkhaak leh ngaihdam bawm ah maw
Thang Khawm Pau Zomi
