Tulaai Leitung Thuthang tuamtuam updates Dec 2, 2013
Nasep
Nasep neilo khasum tawmlua in cimawh in a omkha Zomi te USA
gam sung ah I omkha hiam??? Naikhat $11 pan kipan ding $14 dong , nasepding
Plastic khatveizat vante bawlna Dart Container company ah mi 60 kisam a, English
kisam sese lo Zopau,Kawlpau thei leeng kingah. Kei tawh teengkhawm ding ongpai
un.
·
December
1 ni in Australia gam Melbourne khuapi ah Daw Aung San Suu Kyi in Zomi tawh
kisai genna nei. Hih mun ah alamdang mahmah in thukidong tampi te mee sawk a
asawk hi a Zomi te dotna sawk kha sese hi. Anuai a link ah ki-enthei
http://www.youtube.com/user/ZomiMessenger/videos
http://www.youtube.com/watch?v=HfoTnw3OSkQ
http://www.youtube.com/watch?v=UoY7DtkGsGE
·
Afghanistan
khawpi Kabul a Indian Embassy a First Secretary leh Head of Chancery aseem Zomi
sung ah mipi khat ahi Pu LT Ngaihte,IFS in
(Indian ForeignService) ding in United States sunga NewYork khawpi aom Indian
Embassy ah Consulate General of India dinmun len ding in kiteelkhia ,
April,2014 pawl in ongpai tading hi.
·
WZC
makaihna tawh Zomi sung ah om meengmeenglo Political talk show Tulsa khuapi a
om Full Gospel biak innpi ah 11/28/13 ni in kibawl a politics taktak thupi tak
in dotna dawnna leh genkhiatna Zomi khangno sung a politics lam siampeen ding a ki um mawh Pu Zo Khup in
sualciatciat hi. Asawtlo in Kaman leh
laaimal tawh gelhkhia kik in ongkhah ding hing. Tun hiah nangai phot un. https://www.youtube.com/watch?v=nYrlif3QfDc
https://www.youtube.com/watch?v=-wXfQvnkDcU
·
Pi
Zen Za Vung Vangteh khuami in Dallas khuapi ah November 29,2013 ni in ongnusia a,
December 6,2013 ni in leisung ah kituh tading hi cihthu kiza hi.
·
China
leh Japan te East China kituh in vanleeng tawh tawh kilek zialzial laaitak uh
ahihman in bang tuavaai vaanding in USA Vice President Joe Biden Tokyo khuapi
12/02/13 ni in tung ta a , Beijing khuapi dong hawhsuakding hi.
·
USA
gam New Yoke khuapi ah 12/02/13 ni in meeileeng khat kibung in mi 4 si a mi 60
vaal nasia tak in liam uhhi. Meileeng akibut na athu haatlua ci uhhi.
·
November
24 nipan kipan Thailand gam I Prime Minister Yingluck Shinawatra anasep
khawlding a angen mipite khawlnuamlo uh ahihman in 12/02/13 ni in khitui
luangsak bomb tetawh palik ten denggawp in akibuai mahmah ban ah Prime Minister
Yingluck Shinawatra in mipi te ngetna asanzawhlohna genkhia hi.
·
Israeli
PM Benjamin Netanyahu leh Minister 6, ninih sung taamding in Vatican, Italy
12/02/13 ni in vahawh a Pope Francis tawh kimukhawm in Middle East kilem
nadingtawh kisai nasia tak in kikum hi ci in a Vatican thuthang in genkhia hi.
Laai mal&ani akha kikhial kha aom leh ngaihdam bawm ah
ong na khiatsak un maw
Thang Khawm Pau Zomi