Sunday, December 1, 2013

Tulaai Leitung Thuthang tuamtuam updates November 30, 2013


Tulaai Leitung Thuthang tuamtuam updates November 30, 2013


·       Sum bawlkhawm ding ongkinawh un USA gamsung a om Zomi te aw khanglui ten Hausa ziak in kuangzawn baan naci hi. Khat leh nih taangthei  lehang iminam sung nasepna ongnuam ding. Hazaatna te beisak in semlo pi upmawh thu genlo in seem masa ni !!!!!!!!!!!!!!!!

·       Hongkong pan Macao zuan apai mihau te tuanna tembaw mi 105 atuang khat in Khuamial khawm ah Sikha dan banghiam cih akitheilo khat 11/30/13 ni in phulkha ahihman in mi 85 nasia tak in liam uhhi.  

·       EU leh Ukraine gamte suakta tak a sumzuak theinading Ukraine President  Viktor Yanukovych in suaikaai nuamlo ahihman in Kyiv khuapi sung ah mipi 10,000 vaal in 11/30/13 ni in lungphona nei uha, palik ten hiamtawh khenthaang ahihman in mi tampi tak liam uhhi.


·       Thailand gam ah Prime minister  Yingluck Shinawatra akhawlna ding angen mipi te khawllo uh ahihman in gaalkaap  te hiamtawi in akhen napan 11/30/13  ni in mi pawlkhat si uhhi. Hih buaina aventheih nading in Prime minister  Yingluck Shinawatra thukikum ni ci in 11/30/13 ni in zawn hi.

·       USA gam leh Leitung movie lamsang ah aminthang mahmah kineihsiam Paul Walker kum 40 in Los Angeles khuapi saklam deuh khat ah mawtaw kibung in 11/30/13 ni in leitung nusia ta  hi.

·       Latin-American minam sung ah Innlamsiam minthang mahmah  Oscar Niemeyer I lamsa Brazil gam Sao Paulo khuapi a om Latin-American Memorial innpi 11/30/13 ni in mei in kaang a, meiphelh gaalkaap 15 liam in papikhat si hi. Hih Innpi peen 21cencury sung ah ahoih peen pawl in kigen hi.

·       November 5,2013 ni a zinkhia ni 300 kaaiding India gamte Vantung Mars khualzinna setpi 11/30/13 ni in asetsung minutes 20 sung kaang a, hoih kiksaam in tu in leitungpan tai 422 nabang tungzita hi ci in ISRO te in taangkokhia uhhi.

·       China leh Japan gamte kituh nilohna ahi East China sea tung ah US gaal vaanleeng 2,Japan te a 10 leh South Korea te a nih  11/29/13 ni in leengzialzial ahihman in 11/30/13 ni in China gaalvaang leeng 2 in mu ak tuahnuam bang in nungdelh a, Van laai ah Mupi kisi bang in kilek zialzial uhhi. Tua ban ah hih ka gamgi khunthak sung uh ah nongleen laai uh leh adawm keinung ci in China kumpi te in US,Korea leh Japan te vaubawl uhhi.


Laai mal&ani akha kikhial kha aom leh ngaihdam bawm ah ong na khiatsak un maw


Thang Khawm Pau Zomi