Tulaai Leitung Thuthang tuamtuam updates Dec 3, 2013
·
Kawlgam
Democracy makaai leh NLD makaai Daw Aung Saan Suu Kyi in 2008 thukhunpi bawphat
ding tawh kisai in President,Pituh Hlutdaw makaaite leh Gaalkaap maangpi te
tawh kikupkhopding ngetna November 23 ni in President zum puaka, President
zumte in hih 2008 thukhun encikding a kiteh palaaite ngetna laai kiama lo in
kikumtheilo ban ah tua laai akiatkhit ciang Daw Suu bek hilo in Hlutdaw
dawlnih, Party kheempeuh tawh kimuding hi cih thu Vice President U Ye Htut in
12/03/13 ni in genkhia hi. NLD zumpi te in bel Democracy leh kikheelna
deihtaktak lo ci in thusuah bawl uhhi.
·
USA
gamte I thukhunpi leh Federal vaaikipuakzia kankhiading in kawgam pan teelcing
palaai mi 7 leh thukan khat 12/03/13 ni in Washington DC tungta uhhi. Hih
palaai 7 te lak ah Chin Party pan 1, Kawl palaai teelcing 5, Thukhen zum palaai
1 leh thukan 1 kihel uha, kaal 3 sung sawtding uhhi.
·
Leitung
ah sangnaupang te pilna bangciang hiam ci a akantel leitungbup sumzon kipawlna OECD
te makaihna tawh kum thum ah khat veita aneihsak uh PISA kici laaisiam kidemna
ah 2012 kum adingin gam 65 pan sangnaupang Saang5 kidem a apilkimpeen China gam
Shanghai sangnaupang te in ngah uhhi ci in OECD in 12/03/13 ni in taangkokhia
hi.
·
Hih
Shanghai sangnaupang te peen Math, Science leh laaisim te ah pil uh ci hi. Apil
gam 10 kiteelkhiat na ah China,Singapore, Hongkong,Taiwan,South Korea,Japan
cibang in Asia gam vive in ngah uha, USA
sangnaupang te ahihleh a 36 na angah baan uh ah Mathematic ahaipeen ngah uhhi ci hi. Vantung gam nihna
peen USA hinawnlo in Asia gamlam leh
hihta hileh kilawm!! Malaysia kumpi lui Dr Mahathir thugen phawk keei ing
nakhan tohnop leh nitumnalam en nawnkenla, nisuakna lam en in ci hi.
·
China
leh Japan te buaina avalemtuah ding in US Vice President Mr Joe Biden 12/03/13
ni in China gam Shanghai khuapi vanleeng tual US kumpi vaanleeng tawh vat u kheukheu
ta hi.
·
USA
gam SpaceX company te in amasa peen Vaan
leh lei kikaal ah India leh South East Asia gamteng a zuakding in Satellite
khat Cape Canaveral in Florida pan
12/03/13 ni in khahkhia uhhi. Hih Satellite pan TV, Telecoms te kingahding ci
uhhi.
·
Democratic
Repulic of Congo gam sung ah M23 singnuai mite haat seemseem ahihman in UN te
in ahawlpalo Drone gaalvaanleeng zading in puakkhinta hi ci in UN te in
12/03/13 ni in taangkokhia uhhi.
Laai mal&ani akha kikhial kha aom leh ngaihdam bawm ah
ong na khiatsak un maw
Thang Khawm Pau Zomi