Tulaai Leitung Thuthang
tuamtuam updates Dec 26, 2013
·
Nashville
Khuapi a ongnusia Pa Cin Suan Lian ( Laaitui khuami) 12/27/13 ni in lei ah
kituhtading a, Bolwing Green,Kentucky khuapan Zomi Innkuan Kentucky leh Zomi
Myanmar Baptist Church makaihna tawh mipi ahithei zahzah ZMBC mawtawpi zang in
misi khading in paiding hi.
·
Malaysia
gam SABAH SARAWAK state sung a om Shin Yang Shipyard SDN. BHD company a naseem
kawlgam mi khat leh Indonesia gammi khat kitawng in buaina lianpi 12/23/13 ni
in piang a tuni dong buaisaan uhhi. Hih company ah kawlgammi 97 naseem om in
Indo te tammahmah ci uhhi.
·
Malaysia
gam Malacca khuapi sung a om Hotel khat ah Khalkha Chin tangvaalno Khua Kung Thang kum 24 Hotel naseem khat in 12/08/13
ni in Diamond khutzungbuh $15,000 manding khat mu a a Supervisor pa tung ah
apkik ahihman in 2013 kum Naseem hoihpeen pa cih pahtawina kipia hi.
·
December
29-January 2,2014 sung Falam khuapi ah Falam khangno te in kipumkhatnading
khawmpi khat neihding in geelna nei uha, gamsung gampua pan mi 300 bang hih
khawmpi ah kahding in ummawh uhhi. Hih Khawmpi ah CNF Supreme Council USA pan
Dr Za Hlei Thang leh Pu No Than Kap te zong kahding hi ci in Falam khangno
khawmpi vaaisai pawl in 12/26/13 ni in genkhia uhhi.
·
Kawlgam
sung Mualmi te party 16 kigawm khawm in Federal Union Party phutkhiatding
kawlgam kiteelna thusai pawl in 12/25/13 ni in phalna piata hi ci in Chin
National party taangmi FUP party President Pu Dr Kam Cin Dal in 12/26/13 ni in
genkhia hi.
·
Kawlgam
Irrawaddy gunpi khaktan a meitha laaksawm China gam ACHC company te in 12/26/13 ni in Yangon
khuapi sung ah thukan tetung taangkokhiatna khat nei uha, Kawlgam kumpi in
thumantak a akhensatding thupi hi ci in ACHC President Mr . Li Guanghua in genkhia hi. Hih nasepna peen 9/30/2010 ni
in U Thein Sein in ama sepsung khawlcipding a thu apiak ahihi.
·
2015
kawlgam bup kiteelpi ma in 2008 kawlgam thukhunpi akibawlphat kei leh 2015
kiteel ciang kiteelna ah kihello in lungphona tawh kado ding uhhi ci in SNLD
President U Khun Tun Oo in 12/26/13 ni in genkhia hi.
·
US
gam kumpi sumzeeknatawh kisai Shut down aomnawnlohnading in December kha
kipatlam in Congress in kumnih Budget thukimna neikhin uha, hih thukimna
12/26/13 ni in President Obama in
Suaikaai ta hi.
·
Christmas
pawipi sung in Caribbean tuikulh St Vincent leh
Grenadines khuapi te ah nasiatak in tuikhang ahihman in inn le lo tampi
asiatban ah khuasung teng tui in tummang ahihman in mi 8 si uhhi.
·
UK
Kuam England gam khanglam leh Wales gam te ah tu Christmas Holiday sung nasia
tak in tuicin neu tung a Lungdam leh kumthak kaalsung in naakpi tak in tuikhang
laaiding ahihman in kidawm un ci in Khuahun lam thunei te in mipi tung ah 12/26/13
ni in taangkokhia uhhi. Tulian in Inn 1,200 bang tui in tumkhin ta a , Inn
7,500 bang in meingah nawnlo uhhi.
·
China gam Shenzhen khuapi pan Hong Kong gam
dong apailet leisung lampi kito China kumpi thuneite in 12/26/13 ni in mukhia
uhhi. Khua sung mite gennapan China kumpi ten amukhia uh hia, hih leisung lampi
peen Mizuak Puaisa ten $500,000 beia abawl uh hi ci in China kumpi ten gankhia
uhhi.
·
Thailand
gam kumpi langpang mipite in PM Yingluck Shinawatra atutna pan tuahding angetna
pan PM Yingluck Shinawatra in Feb 2,2014 ah gambup kiteelkikna bawlni ci a
mipite tung agenthu mipi ten deihlo in atutna pan tumahmah a atuahding ngen in
lungphona nasia tektek ahihman in 12/26/13 ni in palikten lungphona alak mikhat
kaplum kha uhhi.
·
Russia
gamte neihsa Vanleeng khat 12/26/13 ni in Siberia khua gaalkaap huangpi
sungkhat ah kia a atung a atuang mi 9 te avek un sikhin uhhi.
·
US
gamte in Iraq gamte anusiatzawh kumkhat 2013 sung bekbek in Al-Qaeda migilo te
hang in mipi 8,000 bang sikhin ahihman in US gamte in Nungkaal sung in agamla
kaapna thaupi leh ahawlpalo Tuithe vaanleeng pawlkhat puakik hi ci in US kumpi
thuneite in 12/26/13 ni in genkhia
uhhi.Tuaban ah kumthak sung ah tampi pauklaaiding ci in genbeh uhhi.
Laai mal&ani akha kikhial kha aom leh ngaihdam bawm ah
ong na khiatsak un maw
Thang Khawm Pau Zomi
Marry Chrismas & Happy New Year