Tulaai Leitung Thuthang
tuamtuam updates Dec 21, 2013
USA gam Zomi te tam mahmah na Khuapi ahi Nashville (Music
City) 12/20/13 ni in Laaitui khua mi Pa Cin Suan Lian te innkuan Mawtaw accident uha, Azi Nu Awi Lun
Cing leh Ata Man Geel Sang te 12/21/13 ni in nuamtuam ta in Pa Cin Suan Lian in
khuaphawk naailo hi. Tu in Nashville khuapi sung aom Zato minthang penpen khat
ah om hi. Ahonuamten 615-926 7243 tawh
kikan thei hi.
Accident daan peen Traffic Light lamkabom pan Nissan mawtaw
neu veilam ah akawi laaitak Traffic mei-eng
a ongtaai tangsuak Van mawtaw khat in Nissan mawtaw apangpi pan aphulphei hi a
Nissan khial hi ci in Palik ten genkhia uhhi. Hih ACCIDENT hang in mi (7) zato
kipuak a , sanggampa Cin Suan Lian simloh anaakliam lua omlo uhhi. Amau peen RC
pawlpi ahih uhhi. Ongnoptuam mengmeng
nading in thungetna ah phawk ciat ni.
·
Karen
minam Buhdha biakna zui gaalkaap DKBA apianzawh kum 19 acinna Mya-Wa-Dy huam
Songsimiai khua ah nopcitak in DKBA te in 12/21/13 ni in bawl uha, KNU,Kayan
minam te zong hihpawipi ah leengla in
vakkihel ciat uhhi.
·
Kawlgam
sung akizang Handphone te ah 3G internet nuamtak a kizat theihnading in 2014
nasia tak in naseem ding ci in Ooredoo Company te in 12/21/13 ni in taangkokhia
uhhi. Zing zun thak kawm nangawn in Facebook kiveel thei tading ahihi.
·
Thailand
gambup 2014 February khaciang kiteelpi na bawlding cih thu tawh kisai in PM
Luilah ahi Democratic party makaai lah ahi Abhisit Vejjajiva in makaai tengtawh akikup
khitciang lungkimlohna kalakding uhhi ci
in 12/21/13 ni in taangkokhia hi.
·
South
Sudan gam ah mici mawh gaaltaai tea huh US te gaalvanleeng pi khat tapong
migilo ten 12/21/13 ni in nakap uh a, US gaalkaap zalian 4 liam uhhi.
·
Japan
gamte in gaalvan behlapding ci a ataangkozawh uh nikhat ni 12/21/13 ni in China te in hih Japan ten gaalphuang
nuamkik hi ci in lauthawng kawmkawm in ngah uha, Defence Ministry spokesman
Geng Yansheng in kiging un cikeei ta hi.
Laai mal&ani akha kikhial kha aom leh ngaihdam bawm ah
ong na khiatsak un maw
Thang Khawm Pau Zomi
