Tulaai Leitung Thuthang tuamtuam updates November15, 2013
· President U Thein Sein thupiakna tawh
gamvaai a thongkia 69 te 11/15/13 ni in Thong inn muntuamtuam pan kikhahkhia
hi. Hih gamvaai thongkia kikhahkia te lak ah Zomi political prisoner Tg Go Pian
Sing zong ongkihel ahihman in ilungdam mahmah hi. Adah huai zeel ah Mithat
maangpa Nyi Win I tute nih ahi Ko Kyaw Nyi Win leh Ko Aye Nyi Win te suakta
mawk uhhi. Kawlgam gamvaai thongkia sittelpawl in December khabei ma in
aomlaaiteng asuaktaaknang kahan ciam uh ci in gen uhhi.
· Khalkha khuapi sung ah November 11-15
sung akibawl Khalkha khawmpi gualzo uh a, hih khawmpi sungpan thukim
thukhensatna nam 13 neikhawm uh ci in CNF Tualthat Makaai Suaikhar in RFA ah
genkhia hi.
· NLD party te in Nypidaw ah November
18 ni ciang 2008 pingpei thukhunpi bawlphatding tawh kisai mipi thukimna lakna
pawi bawlding ci in ageelkholh uh kumpi thunei te phallo in khawlsak kik
uhhi.
· Kawlgam bup Muslim kipawlna OIC
palaaite Rakhaing gam sung 11/15/13 ni in zin
uha , mihamsa te kiphualsaatna camp te ah vahawh uhhi ci in Rakhaing gam
Kumpi thunei U Win Myai in genkhia hi. Hih OIC te deihlohna haangin Kawlgambup
phial ah 11/15/13 ni in mipi lungphona kinei zihziah hi.
· Sen gam ah nupa khat in ta khatta vek
neithei ci a kum tampi azat uh thukhun leh Kahna leh hagawina thong kibawlpha tading hi ci in Sen kumpi te in 11/15/13 ni in
taangkokhia uhhi. Ahaang peen hihbang a ta khatbek neithei thukhun azatna hang un
nau susia, naukhak tamlua baan ah mipil tawm kisa ta uh ci hi.
· Libya gam Tripoli khuapi sung ah 11/15/13
ni in Khuasung cing thautawi ciangtan gaalkaap te deihlo in mipi tampitak in
lungphona nei uha, Khuasungcing te in thautawh nalehkaap uh ahihman in mi 31 si
in 235 liam uhhi. Hih thu hang in Libya Prime Minister Ali Zeidan in ciangtan
gaalkaap te Tripoli khuapi pan kiheemkhia ding in thupia hi.
· Philippine gam Typhoon huihpi hang in
11/15/13 niciang misi 3,633 kimukhia ta , 12,487 liam in , 1,179 mangthang hi
ci in Philippine kumpi misi ciamteh pawl in taangkokhia uhhi. Philippine gam in
hihbang hamsatna tuahlaaitak in huhna peen ziakaai mahmah ban ah tudong ciang
panpihna angahnaai vetlo omlaai mawk ahihman in kakhasia mahmah uh ci in
Philippine kumpi thunei te in pulaakkhia uhhi.
· Gaalkaap maangpi 300 vaal atuang
Russia Gaal tembaw pi Kawlgam Yangon khuapi
Tilahwa Tembaw khawlna ah 11/13/13 ni in tung a amunuam peuh in November
16,17 nisungteng in kahto in ki enthei a November 18 ni Russia gam ciahkik ding
uhhi.
· EU kipawlna gamte in Kawlgam kumkhat
Dollar Saang 120 ta kum 7 sung panpihding in EU – Kawlgam langnih thukimna Laai
11/15/13 ni in bawlkhawm uh a Suaikaai khawm uhhi.
Laai mal&ani akha kikhial kha aom leh ngaihdam bawm ah
ong na khiatsak un maw
Thang Khawm Pau Zomi
