Friday, November 15, 2013

Tulaai Leitung Thuthang tuamtuam updates November14, 2013




Tulaai Leitung Thuthang tuamtuam updates November14, 2013 


·       Kawlgam Lower Parliament speaker Tura U Shwe Mann 11/16/13 ni in Kawlpi tungding a tuazan taamding hi.11/17/13 ni zingsang Tedim kahto in Tedim khuapi ah nai 3 sung akhawlkhit ciang Khalkha khuapi ah zinto suakding ahihman in Chin state Ukpi Hung Ngai leh alawm te buai mahmah uhhi. Tedim  khuapi ah gaalkaap leenpi tungding in kilam en hi. Khalkha ah nupi khat inbel nuambel nuam huainaven banghang in  nipi ni ongpai sese hiam ei Christian hihang ci hi. 11/18/13 ni Chin state  pan dingkhia  ding hi.

·       Kawlgam sung ongzin ahi Leitungbup Muslim kipawlna OIC makaaite leh Kawlgam Pituh Hlutdaw palaaite Nipydaw ah 11/14/13 kimukhawm uh a OIC palaaite in Kawlgam sung ah zum ahon nopna thu uh genkhia uhhi. HIh OIC te deihlohna Rakhiang gam party pawlkhat in gen uha, Meihthila khuate ah lungphona  mipi in nei uhhi.

·       Kawlgam palik 50,000 migilo dodanding leh Mihing zaleenna tawh kisai kisinna EU te in November kha kipatpan Yangon khuapi Mingaladong ah neihpih uha, Hih kisinna ading EU sum Awn 100 zangkhiading  uh ci in Kawlgam Palik zalian U Ko Ko Aung in 11/14/13 ni in genkhia hi.

·       Tuni 11/14/13 ni a Yangon khuapi UMFCCI a kibawl EU-Myanmar Task Force hunsung ah EU makaaite in 2015 kawlgam bup kiteelpi ciang in kiteelna endik ding in palaai pawlkhat kongpuakding uh ci in heelbawl uhhi. Tuaban ah kawlgam kumpi in sangsiam a kizop theih aleh  kawlgam khantohnading in kumkhat Saang $140 vaaltawh  huhding hi ci in EU palaai Andris Piebalgs in genkhia hi.

·       International Monetary Fund (IMF) kici Leitung sumkipawlna i thu le  la teng gawmkhopna GDDS mun ah Kawlgam kihelkhinta hi ci in IMF  in 11/14/13 ni in taangkokhia hi. Tuaban ah Sumkhol gamte thuteng gawmkhopna GDDS in Internet ciaptehna sung kawlgam akihelna ki enthei ta in khawlgam  peen a 110 gamna hi ci  hi.

·       Sagaing Division Mongzua khuakiang Letpadaung mual ah 11/14/13 ni in mipi in lungphona neileuleu a lungphona anei mipite leh Palikte kibuai in  palik ten thautawh kaap uh ahihman in mi 7 liam uhhi.

·       UN cimawhhhuh makaaipi Valerie Amos Philippine gam  Tacloban khuapi sung a micimawhte ending in 11/14/13 ni in Manila khuapi tungta hi. Thukante tung ah agenna ah micimawh tul sawm guk adiing anntang kongpua a naupangmoh 11 Tons zong kongkeng ci hi. US te paisak gaalvaanleeng pua USS George Washington tembawpi zong tungkuanta a hih tembaw tungleh akisam bangbang ahuhzawhding ban ah dawnding tuisiangtho hih tembawpi tungpan nikhat gallon a awn asim phulsak ziahziah ding ci    hi.

·        Piantit gammi RC Topa Georges Vandenbeusch Kum 42  Cameron gam leh Nigeria gamgi Koza acihna kiang ah 11/14/13 ni in thautawi migilo mi 15 in man in taaipih mang  uhhi ci in Piantit gampua kizopna palaai pipa in genkhia hi. Nigerian Islamist militant group, Boko Haram te hiding in ki  ummawh hi.

·       Australia PM luui Kevin Rudd kum 56 in politics gamvaai vaaihawmna nasepna pan katawlngata hi ci in  11/14/13 ni in taangkokhia hi. Tu in kumpi gamvaainasepna huangsung ah ka  omnawnkei a leitungbup innkuan tuamtuam te tawh khutkileen in nakaseemtading ci hi. Kagualzawhna peen ahi Australia PM katungkhin a lampidang kazuitading AU mipi in ngaihdamna ongpia un ci in gen hi.


Laai mal&ani akha kikhial kha aom leh ngaihdam bawm ah ong na khiatsak un maw


Thang Khawm Pau Zomi