Tulaai Leitung Thuthang tuamtuam updates November13, 2013
·
Zomi
te sung ah amadawk khat a kihel ahi Rev
Dr Cin Za Lian General Mission Director,UPCM,
Israel gam ah November 14 pan zinding a, Ni 11 sung ataamkhit ciang Kawlgam ah
Masuan zomkikding in ongciah kik ding hi.
·
October
kha 21 ni a India gam Delhi khuapi ah Chin te numeino kum 8 khat sapadeh Kala
ten abuansawmna tawh kisai in 11/13/13 ni in thukhenzum ah kipuakding ahihman
in Makaaite patau ban ah Chin gambeel pawl zong lunghimawh tek mahmah uhhi.
·
Kawlgam
azinpak ahi USA gamte I a 42 na President Bill Clinton 11/13/13 ni in Party
Tuamtuam leh minam kipawlna tuamtuam te tawh Yangon khuapi Kilemna Innpi ah kimukhawm
ding a, NLD,ZCD leh CPP te zong vakihelding uhhi.
·
EU-Myanmar
Task Force EU gamte in kawlgam sumzonna lam ah apanpih theihnading thukikupkhopna
November 14 ni in Yangon Khuapi ah kibawlding a, November 15 niciang Nyipidaw
ah kibawlding hi. Hih Khawmpi ah Daw Aung San Suu Kyi leh Kawlgam President U
Thein Sein zong kahding hi ci in 11/13/13 ni in EU makaaipi Mrs. Catherine
Ashton in genkhia hi.
·
Kawlgam
President khasum piakziading tawh kisai in 11/13/13 ni in Amyotha Hlutdaw
khawmpi ah kikupna nei uhhi. Thukhun haampi sung ah President Khasum Saang 15
in kigelh kihawmthawh ahihman in Saang 30-40 piakding akikum uh ahihi.
·
Leitungbup
Muslim kipawlna OIC te 11/13/13 ni in Nyipidaw tungkhinta uha, zing 11/14/13 niciang in Vice President
Dr Sai Mauh Khan tawh kimuding uhhi.
·
Kawlgam
sung a akizang ahi Lungphona thukhun no.18 tawh kisai kikupphat ding in Pituh
Hlutdaw in 11/13/13 ni in saangta a kikuptohding in thukimna nei uhhi.
·
USA
gam Florida state ah papi khat in 11/10/13 ni in Sabuai $200 mankhat lei in inn atunciang azi tawh asung a et kawikawi
uhleh $100 laai thaksitset vive $98,000 sumtang in mu uhhi. Aphone lapah in
aneilui te sam a piakik hi. 2009 kum in ka omna Bowling Green,Kentucky ah
secondhand puanzuakna ah Karen te khat puan lei a inn atunciang a ip
asawkkawikawi leh $400 cash mu ahihman
in tuasawngteng secondhand sai ah kawlgampi puan ipsawk in dim hi.
·
Philippine
gam Typhoon nawkna athuak micimawhte
huhding in US Marine gaalkaap te Philippine leitangtung tungta uha, USS George
Washington Vanleeng pua Tembaw pi leh amaitaai Tembaw nihte zong tungkuan ta
uhhi. Hih Typhoon hang in mipi 11 million in cihmawhna tuak uhhi.
·
Russian
Foreign Minister Sergei Lavrov leh Defence Minister Sergei Shoigu te asawtlo in
Egypt gam khuapi Cairo ah gamnih Gaalvantawh kizopziading kihokhawmding in
zinding a, Hih peen Russia-Egypt gamnih Ulian amasapeen kizopna hiding hi ci in
Mr Lavrov in 11/13/13 ni in genkhia hi. Tuaban ah tutung a akihoding uhpeen
Gaalvan vaai hi a sumtawh genhileeng $2billion man thu kigending uh ci hi. US
President Obama in Egypt gamte Gaalvan tawh huhna khiapding akhensat lian leh
Russia te ongluut uh hisese hi.
Laai mal&ani akha kikhial kha aom leh ngaihdam bawm ah
ong na khiatsak un maw
Thang Khawm Pau Zomi
