Wednesday, November 13, 2013

Tulaai Leitung Thuthang tuamtuam updates November12, 2013




Tulaai Leitung Thuthang tuamtuam updates November12, 2013


·       Leitungbup Muslim kipawlna OIC te Kawlgam sung ongtumding deihlohnatawh mipi 500 vaal in Yangon khuapi ah 11/12/13 ni in lungphona nei uh himahleh OIC palaai te 11/12/13 ni in Kawlgam lam zuan in ongleeng diaidiai ta uhhi.

·       Chin minam te khawmpi Khalkha khua Carson Hall ah 11/12-15/13 sungbawlding in 11/12/13 ni in kipanta uh a, Chin party tuamtuam pan leh biakna lam, kipawlna tuamtuam pan mi 500 khawmpi kah uhhi. Agen na uh ah Chin mibup khawmpi hi ci uhhi. Ahizong in RFA in a gelhna ah Chin Conference ci in kawllaai in gelh sak ahihman in Zopau in lawhbeu or khaguh khawmpi suakziau hi.


·       Kawlgam kumpi in Suai 7tons nei a dollar tawg 8billion vaaldeuh hi ci in Kawlgam sumkholna bulpi  makaai Daw Khin Saw Oo in 11/12/13 ni in Pithugsuh Hkutdaw khawmpi ah genkhia hi.

·       USA gam Hawaii state te in 11/12/13 ni in Thukim 19, Thukimlo 4 tawh neih kibang pumkhat suahtheihna thukimna neita uhhi. USA gam sung state 14 leh District of Columbia ah neih kibang pumkhat suahtheihna akiphalta ahihi.

·       Typhoon huihpi I nawkgawp Philippine gam huhding in UK mihuhpawl 11/12/13 ni in Philippine gam Cebu vanleeng tual tuta uh a buuk 9,000 leh Siavuan 12 puak uhhi. Mipi 10,000 bang siding ci a media te upmawhna peen tamlua in atampeenleh 2,500 kiim siding hi ci in Philippine President  Benigno Aquino in genkhia hi.

·       Nung Weekend sung in Somalia gam Puntland teng Cyclone  in nasiatak in anawkna hang in misi 100 kiim aki  ummawh hinapi in 300 bangsi hi ciin  Puntland government news te in 11/12/13 ni in genkhia uhhi.

·       India gam  Madhya Pradesh state ah lokuan mi apua mawtaw khat 11/12/13 ni in kibung in guamsung ah kilumlet ahihman in mi 14 si hi. Nungkha sung in hihmun mah ah Bus khat kibung in mi 42 si uhhi. India gam ah 2011 kum sung bekbek in mawtaw kibung in mi 130,000  si uhhi.

Laai mal&ani akha kikhial kha aom leh ngaihdam bawm ah ong na khiatsak un maw


Thang Khawm Pau Zomi