Tulaai Leitung Thuthang
tuamtuam updates October 6, 2013
·
Kawlgamsung
Irrawaddy Division Kaung-Gon khua sung ah Kawl nungakno kumcing lo khat Muslim Pasal khat in bawlsia hi cih
thuging hang in 10/06/13 ni in Kawlminam te l eh Muslim Kala minamte kikaal
nasiatak in buaina piang a, Kumpi te in gaalkaap , Palik akicingtak in puakpah ahihman in asi aliam
kuamah omlo in Muslim Inn 5 kaangtum hi. tu in daaizaw deuhta hi. Nung sung
mahmah in Rakhaing gam Tantuai khua ah buaina om a mi 5 in mi 5 naakliam uhhi.
·
October
8,2013 ni KIO leh Kawlgam kumpi kilemna bawlpawl Pithungsuh Level kilemna
thukikupna kipan ta ding a tua thukikupna ah thungaiding in UN Special Envoy to
Burma Mr Vijay Nambiar 10/06/13 ni in Kachin gam Mitkyina khuapi tungta hi. Hih
langnih thukikupna ah Mualtung mi thautawi kipawlna 11 pan mimal 56 zong thungaiding
in kiheldinguh a 10/07/13 ni in Mitkyina tungding hi ci in KIO in genkhia uhhi.
·
APEC
kici Asia gam teng I sum zon sumvaihna khawmpi Indonesia gam Bali tuikulh a
10/06/13 ni in kibawl a Indonesia President Susilo Bambang Yudhoyono in
pawikonghon thugenna nei hi. Hih APEC
khawmpi ah USA Secretary of State John Kerry zong vakihel a US te inzong AL-Qaeda migilo te manmangding
in akithawina te ban ah 1998 kum Kenya gam US palaai zum bomb tawh sim a mi 200
sisak in 5,000 aliamsak Abu Anas al Libi zong zanni mahmah in amatna thute uh
kisialkawmsa in genkhia hi, ( Behlapba khat ah hih Abu Anas Al Libi US Navy
Seal ten amat laaitak un thungen intunglian zingsang nai 6;30 pawl in mawtaw 4
tawh mi 10 umziau uh a Arab pau khawng siam theimahmah uh ci in azi in gen hi.
)
·
Egypt
gam sung thuneihna akilaakkhiat sak
President Mohammad Morsey adeihpawl in nasiatak in lungphona 10/06/13 ni in nei
uh a Palik te in mipi akhennapan langnih kibuai ahihman in atawmpeen mi 50 si
in mi 240 vaal si le naai tawh kidiah
uhhi ci in Egypt kumpi ten genkhia uhhi.
·
Argentina
gamte I President ahi Cristina Fernandez
de Kirchner kum 60, akhuak sung ah siluut ci ahihman in siavuan te in
khakhatsung naseemlo in tawlnga hiithiat ding in 10/06/13 ni in thupia hi. Amah
peen accident cihbang hilo napin August khasung in Siavuan te tung ah akilahna
pan Siavuan te akhuak scan sak uh a tuapan anatna akimu ahihi.
·
China
gam Fujian province sungten ah Typhoon kici huipi leh guahpi kithuah in 10/07/13 ni in nasiatak in nawkding ahihman
in kumpi thuneite in akuamaciat muanhuaina mun zuanciat a taaikeek mangding in
thukin taangkona thu zasak hi.
*thusuak peen nisim hunngahlo tawh group kim ah
ongsuaksakzolo kahihman in Zomidaily leh
http://buanli.blogspot.com ah
nisim kisimthei dending hi*
Thuumna: Laaimal kikhialkha leh laaimal kilawmlo, ani ache
akituaklo kha akipan kisapna tuamtuam aomkhaak aleh ngaihdambawm ah nongnakhiat
sak un maw
Zomipau
