Sunday, October 6, 2013

Tulaai Leitung Thuthang tuamtuam updates October 5, 2013





Tulaai Leitung Thuthang tuamtuam updates October 5, 2013


·        Zomi sung ah minam it mahmah leh adiak in Tonzaang Lawm Malaysia pan naakpi tak a Zomi te ading kum tampi  ACR,UN  zum cihte ah  nalian pi aseem minam it mahmah Tg Gin Lian Suum @ Gia Suum  Tonzang khuami  in lam et hetloh pi in atenna Oklahoma City, Oklahoma state USA pan 10/04/13 zan alupnapan zingsang thonawnllo in Pakiang ah ongciahsan hi. Tg Gia Suum peen minam veibek hilo in Pasian thu um in mipawlnuam mahmah khat ahihi. Adah akap akuamapeuh Topan hehnepna ongpia ta hen  ( Gia Suum leh Cinpi Sweden  peen Malaysia ah Zomi te ading in Hero masa khat uh ahihi.)

·        Kawlgamsung Mualtungmi thautawi teng lak ah alianpeenpeen khat ahi WA minam thautawi kipawlna UWSAv te in 2008 Kawlgam thukhunpi athak vagelh kik keei a gimsaang in ahoihlohnateng puahphat ziau ding hoih kasa uhhi ci in 10/05/13 ni in taangkokhia uhhi

·        USA gam Federal Government nasepna pawlkhat akikhaaktanna pan gamdaalna lamsang a naseemmi 400,000 te maaikaal ah nasep kuankikding in Defend Minister Chuck Hagel in samkikta hi. Tua ban ah hih Kumpi nasepna adinkhawlna hang a akikhawlsak kumpi naseem 800,000 te Kumpi nasepna akihonkik ciang khasum akikhawlsaksung lehpiakding maw pialoding cihthu Party langnihte kikum saan uhhi.

·        Africa gam a phualsaat Al-Qaeda migilo te tawh  akizom ahi   al-Shabab leh Anas al-Libi te makaihna Islamic militant kici gamnuaimi te nuaicip ding in US Commando gaalsiamte 10/05/13 ni in Libya gampan, Somali leh Kenya gamte ah ki lumlet ziahziah uh a, 10/05/13 ni in Libya gam khuapi Tripoli ah Anas al-Libi nuailumkhin uh hi ci in US Official te in genkhia uhhi. HIh Islamist migilote in nungmahmah in zong Kenya Mall vanzuakna sim uha, mi 67 that lum uhhi.


Thuumna: Laaimal kikhialkha leh laaimal kilawmlo, ani ache akituaklo kha akipan kisapna tuamtuam aomkhaak aleh ngaihdambawm ah nongnakhiat sak un maw



Zomipau