Tulaai Leitung Thuthang
tuamtuam updates October 4, 2013
·
Leitung
gam 50 vaalpan nungaak duangzen kidemna
ongtungding November kha ni 9 ni ah Russia gam Moscow khuapi ah
kibawlding a tuamun ah Kawlgam te in zong Democracy dan a kimakaihzawh amasapeen
vadem giapding in geelna nei uhhi. Hih Duangzen ( meelhoih kidemna ah Kawlgam
ai-awh in avademding in USA gam California state California Lutheran University ah sumzonzia
pilna sinlaaitak leh BA zosa ahi Ma Soe Set Wai kiteelkhia hi. Hih leitung bup
meelhoih kidemna ah Kawlgam te peen 1961 pan kihelnawnlo in tu in ademkikpanding ahihi.
·
Kawlgamsung
a kizang ahi 2008 gambup ki-ukna thukhunpi
bawlphading maw ahihkei leh athak gelhkikding cih thu mipite deihna
October khasung in kikaaikhawm masading a 2008 thukhunpi genkhiatna leh mipi
lungsim kaihkhopna kawlgambup ah kinei ding hi ci in NLD kawlgam thukhun
endikpawl in 10/04/13 ni in taangkokhia uhhi. Hih peen NLD guak geelna hilo a
UNA leh party tuamtuam te tawh akigeelkhawm hi cihthu genbeh uhhi.
·
US
gam President Obama leh alanglam
Republican party te kumpi sumzatzia ding thukimna angahzawhlohna hang in kumpi
naseem nasep neilo mi 800,000 pha a , kumpi naseem kheempeuh I sehthum suah seh
nih ahihi. October kha ni khat nipan akikipsak Obama Care kici mantawm tak a
cidamlote kibawlnading tawh kisai
anikhan ahihkeileh abawl phat masiah Republican te Hlutdaw dawlnuainung pan kiptak
in tawhtangtawh kakilhding uh ci in Republican ten gen uhhi. Obama leuleu in akihawmkim
pending in hih Kei Care peen akikipsak sa hin Ikumpi sumzatding vaai meetang
tawh khensatni ci in heelheel laai hi.
·
Hih
Obama Care peen Naseem kheempeuh in insurance nei hamtangding, tualo te aniam
akimantak a leisakding cih ahihman in ei mizawngte ading in hoih mahmah a,
Republican te a leuleu ciang mihau
giltui te bek angvaan uh ahihman in hoihhetlo cih kei mimal muhna ahihi. Nungkum
tubang hun in mawtaw sathau man gallon khat ah 3.96 hi a tun tuni 3.26 hi in
kiatektek laai ahihman Kumpi nasepna
adinkhawl uhpeen mizawngte ading hoih mahmah lel cihding hi. A hizong in
mihaute duhtheihdeuh nawi tawh kisai peen azahnih dong ah mankhangding ci uhhi.
·
Guatemala
gam ah akiman nuam peenpeenpa leh 'drug
lord' khamthei guihtheih te Topa akici liang
Eduardo Villatoro Cano Mexico gam sung ah Mexico palikte in 10/04/13 ni
in mankhia uh a, asawtlo in Guatemala puakding uh ci hi. Amah pen Vankham
vannei Boss pipa ahihban ah June kha sung Guatemala gam ah palik 9 athatlum
makaaipa zong ahihi.
·
Vietnam
gaal laai a French leh US te anawtmang Veitnam Gaalkaap maang Vo Nguyen Giap
kum 102 teek natna tawh 10/04/13 ni in leitung nusia ta hi ci in Veitnam kumpi
te in taangkokhia uhhi.
Thuumna: Laaimal kikhialkha leh laaimal kilawmlo, ani ache
akituaklo kha akipan kisapna tuamtuam aomkhaak aleh ngaihdambawm ah nongnakhiat
sak un maw
Zomipau
