Friday, October 4, 2013

Tulaai Leitung Thuthang tuamtuam updates October 3, 2013




Tulaai Leitung Thuthang tuamtuam updates October 3, 2013


·        Zomi te khuapi khat mah ahi  Kalay khuapi leh akiim apaam a om khuaneuneu te ah guahtam luatna hang in tui nasiatak in khang a  10/03/13 ni ciangciang mi 10 vaal tuitaih in mangthang hi. Buhciina zanglo Acre 6,878 tui in tum in Lei 12 tui in taai a, Inn 500 bang tui in tum in mipi tulsawm a sim cimawh in om hi. Hih micimawhte kumpi te in donghu in kepnading mu 8 bawl a tuamun ah busak in keem uhhi. 

·        Rakhaing state Tantuai khuapi sung leh akiimnaai khuano pawlkhat ah abeisa ninih pan Muslim leh Rakhaing minamte buaina hang in 10/03/13 ni ciang mi 6 sita a , Inn 70 vaal kaangtum khin hi. 10/02/13 ni zankimdong Muslim te inn kihaalhaalsak laai ahihman in tunidong daihna omnaailo hi. Pawlkhat te bang ann aneekloh zawh uh ni thum bang phata in gaaltaai in tha mang uhhi. Hih buaina hang in US akipan leitung gamtuamtuam te lung himawh mahmah uhhi.Buaina aphuang  hiding a upmawh mi 6 kumpi ten man photphot uhhi.

·        USA gam Innkaangpi kuamah luuttheiloding ci in kumpi thuneite in akhaakcip kim laai  Nupi  khat in mawtaw tawh 10/03/13 ni in phulteeiteei in Parliament innpi dong mawtaw tawh taai ahihman in palikte in anungpan mawtaw  mahtawh adelh kawm un thautawh kaap uh ahihman in Nupi nu si in palik khat adelhna pan mawtaw kibung in liam hi. Nupi nun bang ngimna nei cih kitheilo naailo a amawtaw sung ah atangeeklaai  palikten lakhia sawnsawn uhhi.

·        US gam kumpi nasepna pawlkhat akikaakcipna hang in President Obama Aisa gam akhualzinding khawlkik hi ci in President zumpi te in 10/03/.13 niin  taangkokhia uhhi.  Tua ban ah President Obama in HIhbang liang a nasepna khakcip liangkuullo a lampidang kizong thei hinapin hibang a kumpi nasepna pawlkhat abingkhawl mawkpeen lungman huai mahmah hi ci in genkhia hi. Tuaban ah kua party kua party ahiphial zong ei ngaihsutna bek thupi sa in ihihteeltaal leh Kei President pa  nangawn in mipi te ka makaihzahding in kamakaih thei keiding hi ci hi. Hih kumpi nasepna pawlkhat abingkhawlna hang in Zomi sung ah zong adiak in apil zawdeuh teng leh sumzonna thupi anei zawdeih pawlkhat su kha ahihman in ilung anuam hetkei hi. Ahizong in Federal  kumpi  nasep genloh Food stamp ne a naikhat $8 saangte zong nungtalel hi ci in kiheh neemsiam ni. Kumpi  nasepna angeibang  a akihonkiding peen vangtung lungngaihbang laai ciin President Obama in 10/03/13 ni in genkhia  hi.

·        Italy gam  Lampedusa tulkulh tung ah Somalia gam leh Eritrea gampan gaaltaai mi 500 apua tembaw khat 10/03/13 ni in  tuahsia a, Italy gaalkaapte in avadelh pah vingvengin mi 300 asisa in mu in 150 ahing in honkhia zo uh a adangteng tuitung a a awktawh amangthang tawh om uh ci in Italy kumpi te in genkhia uhhi.

·        Nigeria gam Lagos vanleeng tualpi pan aleengkhia mi 20 apua khualzin vanleengkhat  10/03/13 ni aleengkhia ding a kithawi  kibung a 13 sipah in adangteng naakliam mahmah uhhi. 2012 kum in zong hibang mah in kibung ngei a mi 150 si hi. Amnesty International in Nigeria kumpi te mawhsak uhhi.

·        Pakistan gam nitumna lam a om Pakistan gaalkaap Commander  Nabi Hanafi, I a inn 10/03/13 ni in Taliban migilo te in do uh a Commander Nabi liam in amah acing gaalkaap nautaang leh mipi 15 in sihlawh hi.


Thuumna: Laaimal kikhialkha leh laaimal kilawmlo, ani ache akituaklo kha akipan kisapna tuamtuam aomkhaak aleh ngaihdambawm ah nongnakhiat sak un maw



Zomipau