Wednesday, October 2, 2013

Tulaai Leitung Thuthang tuamtuam updates October 1, 2013




Tulaai Leitung Thuthang tuamtuam updates October 1, 2013


·        Kawlgam sung Rakhaing state Pauhthaw khauneu leh Tapyaichai khuaneu ah 9/30/13 zanlam in Rakhaing minam te  leh Kala Muslim te buai leuleu  uh a mi 3 si in  mitenna inn 70 vaal kaangtum hi. Rakhaing state sung ah Kawlgam President U Thein Sein azinlaaitak tawh kituak ahihman in langnih makaaite tawh kimukhawm uh a lemtuah hi. 10/01/13 ni in Kawlgam President Uthein Sein Tapyaichai  khua ah hawh in hamsatna thuakte va en hi.

·        8888 makaai Ko Min Ko Naing Czech gam a kibawl mihingzaleenna tawh kisai   minphatna piakna pawipi ah kahding in 10/01/13 ni in Czech gam tungkhinta  hi. Hih minphatna piaknapawi ah tukum ading in Brazil gammi Ales Byalyatski kiteelkhia a Europe sum 60,000 leh  pahtawina laai kipiading hi.


·        Thailand gam sung  Province 77 lak ah 32  ah September khakim pan tui nasiatak in khang ahihman in mi 23 si  in mihing 3,000,000 in tuikhang gimna thuak uhhi. Vietnam gam ah Wutip kici huihpi in 10/01/13 ni in nawkgawp a mi 3 si in Inn 1,000,000 kisia hi. China gam ah 9/29/13 ni in hih huihpi hang in tembaw 3 mangthang in mi 74 mangtang  hi. Asia gamveeng teng abangtuak hiam cihnop huai keei ei

·        Japan-US kizop na akho semsem nading leh Asia pacific sumzon sumzuak kizopna  khangtohnading ngimnatawh US Secretary of State Mr John Kerry 10/01/13 ni in USA gampan kuankhia a 10/02/13 ni in Japan gam ikhuapi Tokyo tungta hi.


·        USA gam I sum zat zeekzah zeekziading tawh kisai thukikupna October ni 1 ni anunungpeen khensatding geelna om hinapi in Parliament dawltung nung leh dawl nuainung te in thukimna ngahzolo uh ahihman in kumpi nasep pawlkhat Federal kumpi in khakcip ahihman in kumpi naseem mi  800,000 ansepding uh omlo in inn ciahkik ziahziah uhhi. President Obama in bel Republican party te thutheih  hiven seita vuau cihsan hi. Hih bang thupiang peen US gamsung ah tuma kum 17 pan tun aomkikpan hi a ei nautaang pawltawh bel kitamsai khollo hi. Hih khasum ngahlo a kiciahsak kik kumpi naseemte Hyundai mawtawh company ten nitha piaksak nung ci nong  uhhi.

·        Venezuela gam a om US palaai zumnasem thumte Venezuela kumpite in puanlom zial a ciahding in 10/01/13 ni in sawl uh ahihman in USA gamsung a om Venezuela palaai mi 3 zong US ten nai 40 sung in puanlomzial in nakiheem un ci in thupia ci in State department te in 10/01/13 ni in taangkokhia uhhi.

·        S Korea te in Gaalkaap te ni aneihzawh uh a 65 vei phawkna  10/01/13 ni in nasiatak in bawl uh a Gaalvan hoih nono, atuamtuamte laakkhia in gaalkaaptha, gaalvaan lahna nasiatak in bawl uhhi. Hih pawipi ah S Korea President  Park Geun-hye in thukonghonna nei a US Defend Secretary Chuck Hagel leh  General Martin Dempsey te zong pai gaga uhhi.

·        Bangladesh  I MP lah ahi  Bangladesh National Party (BNP) makaai Salahuddin Quader Chowdhury , Bangladesh independence war, 1971 kum a amawhna hang in 10/01/13 ni in thahlupding in thukikhen hi.



Thuumna: Laaimal kikhialkha leh laaimal kilawmlo, ani ache akituaklo kha akipan kisapna tuamtuam aomkhaak aleh ngaihdambawm ah nongnakhiat sak un maw



Zomipau