Friday, October 25, 2013

Tulaai Leitung Thuthang tuamtuam updates October 24, 2013




 Tulaai Leitung Thuthang tuamtuam updates October 24, 2013


Zomi National Congress/ Zomi Congress For Democracy Silver Jubilee

·       Hamsatna, kolbuh khaukhih leh dawi havaang kaal ah kum 25 sung Makaaite hanciamtak leh citak tak in adin tinten man in ZCD Silver Julilee tuni 10/24/13 ni in Zomi te khuapi Tedim khuapi ah nuamtak in kibawlzota a, Khua 37 ,Kipawlna 2,Party 3 pawisiim uhhi. Khawmpi sung pan ZCD in thusuah kimci khat bawlkhia uha, Tua thusuahna ah Chin taang in Zomi minam ci akiciaptehnading in manawtding hi ci uhhi cih leh Kasang gam uh ahi UNFC,UNA tawh mapangkhawm in 2014 Pinlong nihna khawmpi ah Federal vaai thu kasung ding ci ci in RFA 10/24/13 ni in genkhia hi. Hih khawmpi sung ah Zomi te ngaihsutding athupi mahmah khat

·       Pu Ngin Thang, 1990 NLD MP-elect- Tedim Constituent (1), in minam party thupi hi ci-in “Kum 2 bang National Convention kakah sung 1 vei bek bek thugen khuan ngah in tua zong NLD-CEC lai gelh khit khat a simkhia theih bek hing. Ka kah pih minam party pan MP te’n amau gelh ziau in hong sim khia ziau hi.”

·       Nyipidaw a 10/24/13 ni a kibawl Pituh Hlutdaw khawmpi amanciang Tura U Shwe Mann in 2015 kawlgambup kiteelpi ciang U Thein Sein in  President mun tuh  nawnlo ding a, U Than Swe zong gamvaai ah cinvomcia zong kihelnawnlo hi ci in mipi maai ah genkhia hi.

·       Ongtungding November khasung a kibawlding Kawlgam bup kilemna suaikaihkhopna ah thukimding thute tawh kisai in ahampi khat kigelhkhia khinzo hi ci in Kawlgam kilemna phualpi advisor U Hla Maung Swe in 10/24/13 ni in genkhia hi. Tua mahbang in UNFC inzong thukimna suaikaihding thu ahaampikhat zota ci uhhi. UNFC kici Mualtungmi thautawi pawl 16 te in October 30-31 sung KIO phualpi Laiza ah khawmpi khat neiding uh a tuakhawmpi a thukhensat bangbang in gamtaangding uhhi.

·       North Korea gamte in a 4 veina Nuclear asawtlo in sinding kiging uha Nuclear asin nazel muh uh ah thak lamkik in leinuai ah zawite bawl in aomna uh Vansangpi pan kizaih maante leh thukante tungpan kimuthei hi ci in John Hopkins University USA-Korea Science Department te in 10/24/13 ni in taangkokhia uhhi.

·       President Obama leh Piantit Prime Minister   Angela Merkel te 10/23/13 ni in Phone tawh kiho uh a, Piantit Prime Minister Angela Merkel I thugente NSA atoma kici USA National Security Agency te in a aw khumsimsak hi cih thu ging ahihman in Piantit akihel EU gam gam 28 ten koici sukding ci in 10/24/13 ni in Meeting ah hel uhhi. Hih thu  ongginna peen The Guardian thu kizaakna te in NSA in leitung gam makaaipi 35 te kihona phone aw nakhumsim in tuamun ah Piantit Prime Minister  nu azong kihelci in apulaakna pan ahihi.

·       Mexico gam saklam a om Muamkhum bawlna company khat 10/24/13 ni in ginneihlohpi in puakkham a mis khat kimu phot in cinapua 35 tawh aliamtampi tak kipuakhia in naseem tampi mangthang ci in Mexico palik te in genkhia uhhi. Apuahkhap hunlian in naseem mi 300 pha ci hi.



Nasep kawmtawh buailua kahihman in  edit kabawlman kei a , Khialhna aom khaak aleh ngaihdambawm ah ongkhiat sak in naleptuah sak un.
           Thang Khawm Pau ZOMi