Tulaai Leitung Thuthang
tuamtuam updates October 23, 2013
·
Kawlgam 2008 thukhunpi tawh kisai
gencianna leh pilna piakna khawmpi khat NLD te in Shan gam Taunggyi khuapi ah
10/23/13 ni in bawl uh a, Shan gam buppi NLD party mi 200 vaal kihel uhhi ci in
Sitni U Aung Thein in genkhia hi.
·
Kawlgam sung a Mualtungmi thautawi kipawlna khat ahi KIO
te leh Kawlgam Gaalkaapte
kikaapnawnloding in thukimna angahzawh uh ni 12 ni ahi 10/22/13 ni in Mansi
Townskip Mongdengpan khua ah kikaap uha, 10/23/13 ni in Mansi Townskip Namlenpa
khuapan tai 7 na ding ah KIO tatmaha 3 te leh kawlgam gaalkaap te nasiatak in
kikaap leuleu hi ci in KIO Technical Team te in genkhia uhhi. Khuasung mi
pawlkhat mang in nihliam hi ci in KIO in genkhia uhhi. KIO in agenbehna ah
October 30-31 ni sung Laiza khuapi ah Mualtungmi thautawi kheempeuh thukikupna
omding ahihman Gaalkaapte keelluphum ongkilanghi ci in gen uhhi. Kawlte gaalkaap khawng zongsangta hileh kilawm
sa ing
·
Kaya minam thauawi KNPP te leh kawlgam gaalkaap te kilemnading thu
akikup uh a tawpna ni 10/23/13 ni in langnih kithukimna nam 7 suaikaai khawm
thei uhhi ci in KNPP te in genkhia uhhi.
·
October kha 21-23 sung South Korea
gam Soul Khuapi ah akibawl Asia Democracy Network Founding Assembly khawmpi ah
kawlgam 8888 makaai Ko Min Ko Naing vakikhel a, 10/23/13 ni in hanthawtna tomno
vanei thei hi.
·
China gam vangaihhawh ahi India Prime
Minister Manmohan Singh leh China Prime Minister Li Keqiang te 10/23/13 zinglam in kimukhawm
uha, Gamgidung langnih buaina thu kikumkhawm uhhi. Hih gamgi ah buaina aomnawnloh
nading in thukimna suaikaaikhawm uhhi. India Prime Minister Manmohan Singh leh
Chin President Xi Jinping te zong nikaai
lam ah kimukhawm laaiding uhhi.
Nasep
kawmtawh buailua kahihman in edit
kabawlman kei a , Khialhna aom khaak aleh ngaihdambawm ah ongkhiat sak in
naleptuah sak un.
Thang Khawm Pau ZOMi
