Tulaai Leitung Thuthang tuamtuam updates September 5, 2013
Zomi sung ah Pasian ongzat sak mahmah Rev Pau Khan Khai Zosiam
Project Director, President ZMBC crusade bawlding in USA gam Washington DC
cidam in 9/4/13 ni in ongtungta hi. Siapa peen October 16 ni kawlgam
ciahkikding a November kha ciang in Louisville,,KY ah PhD sinding in a innkuan
un ongpaikik ding uhhi.
Zomi te neihsa neihsun Guullu humcip nuam in aciangciang
ah I ot laaitak in Sangak ak gunuam bang
in neekding zong in Paw te party ahi
CNP.CPP leh ENDP party pan makaaite 9/3/13 ni in Zomi te khuapi khat ahi Kalaymyo tung uh a, Khuanu khuapa te
va ngianvaat gawp uhhi.
·
Kawlgam
sung a zatding ki-ukna thukhunpi thak liklek khat khanih sung in amansiang lianding
in kigelh saanlaaitak hi ci in UNFC Mualtungmi thautawi pawl 12 kipawlkhawm te
leh UNA Kawlgam sung Mualtung Party kipawlkhawm te in 9/5/13 ni in taangkokhia
uhhi.
·
Malaysia
gam sung a phalna omlo mawhna tawh akiman kawlgam mi kheempeuh Kawlgam ah
kasamkik ding uhhi ci in Kawlgam Gamdang kizopna Palaai zumpi te in 9/5/13 ni
in taangkokhia uhhi. Tulian in Malaysia gam ah Kawlgam mi kiman 555, Indonesia
717, Bangladesh 387 omlaaitak ci uhhi.
·
Russia
gam ah kibawl G-20 khawmpi kahding in US President Obama Russia gam St
Petersburg khuapi 9/5/13 ni in tungkhinta hi. Tu nitaak mah in annkuang umkhopna ah President Obama leh
Brazil President Dilma Rousseff atuam in thukikupna nei uh ahihman in ziakaai
kha uhhi., Syria gamtawh kisai nasiatak in kikupna neiding uhhi.
·
Japan
gamte khahkhiat Vantung khualzinna peen Setyoh sik mihingdan khat in hawl in
Vanlaai khuathak ah September kha kipat in tungkhinta hi. Hih Sik Mihingdan in Leitung a
aom mihingte ahopihna a video japan gamte in 9/5/13 ni in khahkhia uhhi.
·
British
military scientists te in Syria gam Damascus
khuapi ah August 21 a kizang Syria gaalkaap te gaalvan sung ah Sarin Gas teltak
mukhia uhhi ci in British Prime Minister zumpi te in 9/5/13 ni in taangkokhia
uhhi.
·
Syria
kumpi te in 9/5/13 ni in US Innpi Haaitawi pipa John Boehner tung ah Syria gam US in gaalkaap tha zang in doding
geelna aneihna ah Congress in akhaktan nading in thumna tauna laai khat khaak
uhhi.
·
Syria
gam Damascus khuapi ah 9/5/13 ni in Kumpi langpang gamnuaimi te leh Syria
gaalkaapte nasiatak in kikaap uh a atawmpeen mi 42 si hi ci in Syria kumpi
langpang gamnuai mi te in taangkokhia uhhi.
·
UN
General Secretary Pu Ban Ki Moon in tuni a kibawl G-20 khawmpi ah thugenna
nei a, Syria gam tawh kisai kuakua in
vaai ahawmding leh UN thu ngaimasa ding a UN thulo bangmah vaaihawm loding ci
in taangkokhia hi.
·
UN
ah US aiawh in Tanupi aseem Samantha power in Syria vaaitawh kisai in Russia in
UN pan khaktanding in panla uh a UN security council in bangmah Syria gam
vaaitawh kisai manawtna omlo hi ci in 9/5/13 ni in genkhia hi.
·
England
gam Kent county khanglam ah 9/5/13 ni in lampi tung ah mawtaw kiphutkhakna
nasiatak in piang a, mi 8 naakliam mahmah in adang mi 200 zong tawmta liam uhhi
ci in Police te in genkhia uhhi. Hih mawtaw kiphulkhaakna ah mawtaw 100 vaal kitaih
zihziah ahihman in lampi kipaitheinawnlo ci uhhi.
·
Tukum
June khasung a N Korea te khaktan Korea gam sak le khang thukin kizopna hotline
hongkikitading in N korea te thukimta uhhi ci in 9/5/13 ni in s Korea te in
taangkokhia uhhi.
Thuumna: Laaimal kikhialkha leh laaimal kilawmlo, ani akha
akituaklo kha akipan kisapna tuamtuam aomkhaak aleh ngaihdambawm ah nongnakhiat
sak un maw
Zomipau
ZomiTV.com ah na hawh peelmawh
un
