Tulaai Leitung Thuthang tuamtuam updates September 4, 2013,
Zomi sung ah Pasian ongzatsak mahmah ahi Evan Langh Do Khup
Khasung ah ami as te ongveina hang in damlo ngaplo pipi mah in Bethel Creek pan
Bowling Green,Kentucky 9/4/13 ni in ongtung ta hi. Sia Pa peen atha haatna,
acidamna teng Pasian mintawh Zogam ading
in suukkang khinmangta a , Tun zaitha neem in zawmdikdek ta a khua ngiah huai mahmah napi Zomi te
mah ongvei in hanciam in thasaan in ong kithawi gaigai ahihi.
Pasian lemsakna omleh Bowling Green ZMBC biak Inn ah 9/6/13
ni nitaak nai 7 pan Crusade kipanding a Zomi kheempeuh Khalkha lam zong kihel
in biakpiakna kinei ding hi. Sia Pa 9/9/13 ni in Nashville,TN lam zuanding
ahihman in akua mapeuh nong kihel kimnading un Pawlpi ai awh in kongsam hi.
Kawlgam Sung thuthang
·
Kawlgam
kumpi te in kilemna kilemna ci in awg awng napi Kachin te tawh kilemna khakhat
zong cingtaktak naailo in KIO tetawh August 17 ni in Paanwa ah khat vei kikaap,
August 28 ni in Puta-Oo ah khatvei kikaap leuleu, in khuasung mi tampitak
taaikeek uhhi. Palong minam thautawi TNLA tetawh kilemna abawlzawh uh khakhat
zong cingnaailo mah in September 2 , ni in kikaapkiik uhhi. Tu in SSA/SSPP
tetawh kilemna tawh kisai kimu kikding ci in 9/4/13 ni in taangko leuleu uhhi.
·
Hih
atung a thute I et kikkik ciang in thu nam thum kimuthei a, khatna ah Kawlgam
kumpi USDP party in Gaalkaap te thuzawh hetlo hi. Anihna ah Mualtungmi thautawi
te kipawlna UNFC khenkeek nuam uhhi. Athumna ah 2015 kawlgambup kiteelma in
kawlgam sung gamdaai sak nuamlo Federal state tawh kisai peengsak nuam uhhi.
Tua ahihman in kawlgam politics peen lungzin huai mahmah laai cih kilang hi. (
Kei mimal muhna )
·
Tun
o minam thautawi kipawlna UWSA makaaite ,(NSAA-ESS)
Maihla gaalkaap makaaite leh U Swe Mann 9/4/13 ni in kimukhawm uha, o minam
thautawi kipawlna UWSA te nget ahi O state tawh kisai genkhawm laailaai uhhi. O
ten state deih leh kua state teng laaksak sawm uhhiam ???? ngaihsut huai mahmah
thu ahihi.
·
Kawlgam
Democracy makaaipi Daw Aung San Suu Kyi 9/10/13 ni in Europe lam gam thum
khualzinna kipan ding a 9/17/13 ni zaan kawlgam ongtungkikding ci in NLD zumpi
te in 9/4/13 ni in taangkokhia uhhi. I Muan Isuan Pi Suu Kyi lah gamdang
zinkawikawi in akhualzinnate ah gam le minam ading geensam naven azinna
ahaangte I et suksuk ciang ama aituam vaai vive hileuleu in Vompi taangkham
abangta hizel hi. Hizah in zin in aminthan hang amipihte in ihamphatna bang
ahihiam??? Ngaihsut huai thukhat hizel hi MInthanna tawh itung sun ni
ongtumding hilel ta hi. ( keimimal muhna hi)
Syria tual gaal koi ciang tungta
·
US
Senate te in Innkaangpipan 9/3/13 ni in Deih mee 10 deihlo mee 7 tawh ni 90
sung ciangtan a kaapding in thukimna neikhin uhhi.
·
Mipi
in deihmaw deihlo cih mipi 1,000 vaal deuh lakpan aki etpak aleh doding adeih
36 adeihlo 59 himawk in mipin donuamlo cih kilang phot hi.
·
Russia
President Putin in US ten UN phalna omlo in namawkdo khaak uhleh maw cin
ahagawipian in phun suausuau …UN in do ding in akhentat leh bel ngaihsun tawng
ci in nuipian sam hi.
Leitung thuthang tuamtuam
•USA Secretary of state huh William
R. Brownfield 9/4/13 ni in kawlgam ngaihhawh hi. Kumpi thuneite, Vankhaam tawh
kisai thunei te leh Namkee political party tuamtuamte tawh kimuhkhop ding
geelna nei hi.
•
Leitung ah aki khawng pha peen Samsung company te in Galaxy Gear
smartwatch kici khutbulh nai thak khat
ongtungding September 25 ni pan zuak
kipan tading uhhi. Hi nai peen $300 manding a
Manzaihna, Nai nam 10, Kihona te akipan Android app 70 bang kihelding
cizen hi. Khangno ten lungluut huai
mahmah ei
·
USA
senate te in 9/3/13 ni Syria gam tawh kisai thu kikupna nai 3 sung aneih
laaitak un Senator John McCain in a iphone tawh game na kimawlmawl laaizang hi
bang adeihna cih kidong lianlo napi in lamdang kisakim tek mahmah pong hi.
·
August
24 China gam Fenxi khua Shanxi province ateeng pasal no kum 6 pha pan khat
amittang ahing in kilaakkhiatsak a China kumpi te in anuno laakkhiatsak hiding
in aupmawh nathu uh 9/4/13 ni in pulaakkhia uhhi. Hih anuno peen pasal nopa
amit tang kilaakhiatsak zawh ani 6 ni in amah le amah kithat lum ci hi.
Thuumna: Laaimal kikhialkha leh laaimal kilawmlo, ani akha
akituaklo kha akipan kisapna tuamtuam aomkhaak aleh ngaihdambawm ah nongnakhiat
sak un maw
Zomipau
ZomiTV.com ah na hawh
peelmawh un