Tulaai Leitung Thuthang tuamtuam updates September 6, 2013
Zomi Myanmar Baptist ,Bowling Green,Ky crusade ani khatna
nuamtak in kizo thei hi. Siapa in Zomi te naupangte koikoi ah Pulpit tungkah in
saihak mahmah a Mikaang te a tuacilo ahihman
Nu le Pa te ikisapkhat omding hi cihthu leh Mikaang ten alokuan nadong
atungding hoihtakei leh mawtaw lei in sumkholzaw uha, Zomi te mawtawhoih kidem
in Bank sung hawm cih bupphuh in hanthawtna ongpia ban ah Zomi ten Pasian I liatsak
pending onghanthawn hi.
Kawlgam thuthang
·
Shan
minam thautawi SSPP/SSA makaai te leh Kawlgam Pithungsuh Hlut daw makaaipi Tura
U Swe Mann te 9/6/13 ni in akhat veina kilemna ding tawh kisai thukikupna Lasho
khuapi Suaily Hotel ah kimuhkhopna nei uhhi.
·
Norway
leh Germany ah thusinding in NLD,Mon Party nih, 8888 te leh Kawlgambup siamsin kipawlna tepan palaai
13 Yangon vanleengtualpan 9/6/13 ni in leengkhia ta uh a 9/21/13 nidong
thusinna venei ding uhhi.
Leitung thuthang
·
Leitung
a alian peenpeen Meimual Japan gam nisuahna lampan tai 1,000 na Tuipi sung ah kimukhia a, hih meimual
azaina 120,000 square miles pha in USA gam New Mexico state tawh kikim hi ci in
William Sager, University of Houston ah professor
aseempa in 9/6/13 ni in genkhia hi. Tuaban ah
hi meimual peen kum 145 million bang upa khin a Tamu Massif ci in
kiminvawh hi ci hi.
·
USA
gam New York state Brooklyn khua ah 9/5/13 nitaaklam in Kum 19 apha tangvaalno
khat Helicopter lim leengthei tawh
kimawl a alensaksak laaitak amalam ah leengkhavat in alu vaatkha ahihman in
liam in si hi ci in New York police te
in 9/6/13 ni in genkhia uhhi. Zomi ten itate lim tuamtuam ileisak ciang
pilvaang ni
·
Australia
gam te in gambup President kiteelna 9/6/13 ni in kipan ziahziah ta uhhi.
Thukhun ombang in Australia gammi kheempeuh kum 18 tungsiah in mee khe hamtangding
cih ahihman in 9/6/13 ni in 3.2 million in mee khia khinta uh a 9/7/13 ni in 14
million in mee khiading uhhi. Tu ciangciang mee kikhia lak ah Kevin Rudd kideih
kim peen hi.
·
Pakistan
gam nitumna lam a kibusa Haqqani singnuai mite I Makaai Commander pipa ahi Sangeen
Zadran 9/6/13 ni in US te neihsa Drone kici ahawl palo tuithe gaal
vaanleeng te in nuai lum ziau hi ci in
Pakisatan kumpi te in genkhia uhhi. Amah peen US leh UN te I black list sung a
kikoih mikhat ahihi. Pakisatan Taliban te in ama zalaihding in asanggampa Bilal
Zadran thuneihna pia uhhi.
·
Japan
gam ten Senkaku ci in China gam ten
Diaoyu acih uh China tuipi tawdawk gamnih kituh nahaang in Japan leh China
gamte en zong ki en nuamlo ban ah gamnihte I kumpi te a hi Xi Jinping leh Shinzo
Abe March 2013 pan akihonaai lo kimlaai Russia gam Petersburg khuapi a kibawl G-20 khawmpi ah 9/6/13 ni in gamnih
kumpi te kibaansah in kilim homahmah bilbel uhhi.
·
Leitung
ah aminthang mahmah NASA te in 9/6/13 nitaak lam in Khapi tung ah pilna sinding
in Pi 90 asang Rocket khat khahkhia uhhi. Hi rocket pi khualzinna lampi ding
peen Tai 251,700 bang gamla ding hi ci in NASA te in genkhia uhhi.
·
International
Olympic Committee (IOC) te in 9/6/13 Argentina gam ah thukikupna kipanta uh a
2020 kum Olympic pawipi bawlnading mun 9/7/13 ni in mee tangtawh teelkhiading
uhhi. Tulian in Japan, Turkey leh Spain gamte aki ummawh phot ahihi.
Syria Tualgaal koiciang tungta
·
Syria
gam sung ah 9/6/13 ni in Kumpi gaalkaap te leh mipi gaalkaap te kikaapna nasia
tak in piang a mi 87 si in numei 14,naupang 14 kihel hi ci in Mipi gaalkaapte
in taangkokhia uhhi.
·
USA
gam te in Syria ado zenzen khaak a leh peello gimna lianpi thuakding uhhi ci in
Iran te in 9/6/13 ni in taangkokhai uhhi.
·
UN
,EU in Syria gam gaalkaap thatawh malakding ngaihsunlo ahihman in USA in
leitungbup makaai ahihnatawh kizui in malakding mah hi ci in President Obama in
9/6/13 ni in genkhia hi. Tuaban ah US mipi tung ah ama geelnate 9/11/13 ni
kagenkhia ding ci hi. A haan in gaaldona bektawh vaai kihawmtheilo cibeh hi.
·
Russia
President Vhadir Putin in 9/6/13 ni in Onghehpih in Onghehpih in cih duaiduai
peen kei nasep ahihkei a President Obama nasepzong ahituankei hi. Syria vaai ah
President Obama geelna hoih kasa kilkel kei a President Obama in zong kei
geelna zuihsawm kilkello hi ci in gen in US te ngapbawl mahmah hi.
·
US
Congress in Syria gam gaalkaap tha tawh kaapding nial leh Obama in ama kumpi
aituam thuneihna zangin akaap veve diam cih dotna akibawlbawl laaitak in
President Obama in Mipi tung ah Direct in ngaihsutna kalading ci in 9/6/13
ni pulaakkhia hi.
Tulaai Crusade nei kahihman un New ongziakaai ei guai
Thuumna: Laaimal kikhialkha leh laaimal kilawmlo, ani akha
akituaklo kha akipan kisapna tuamtuam aomkhaak aleh ngaihdambawm ah nongnakhiat
sak un maw
Zomipau
ZomiTV.com ah na hawh
peelmawh un
