Tulaai Leitung Thuthang
tuamtuam updates September 25,26/ 2013
It luatna zong sihna
hithei hi
Ka naseppih Nurse nupi kum 58 khattawh 9/25/13 ni cidamlo te
enkol kawm in gualnuam in kiciamnuih in kaciak ziahziah laaitak uh 6:30Am pawl
in ka Clinic phone uh ongging lengleng hi. Keizong mikaangpau ka siamloh
bualbualtawh ci in kinunungbawl in kanaseppih Nurse nu phone kasangsak masa hi.
Hello,Hello acihkhit phet in akhitui mualtuang in pauthei nawnlo in awnggawp a
amawtaw tawh la in taaikhia in amawtaw tung ah kah in start leh pai thuah hi.
Lungnuamlo ahihman in khiangtan in amawtaw amaai ah daal in
bangthu om ahihiam ci in office staff tetawh kidot uhleh katunu kikhailum
ongcimawk hi. Atunu peen kum 19 phapan a, apitawh amaunihbek in omkhawm uh
ahihi. Atunu in Pasalkhat Papi ahihlam theilo in kinaak ngaihpih mahmah a , zi
le ta neisa ahihlam atheihbaan ah alawm ngaihpa in alawmnukiang ah aciahsan
atheihciang amah leh amah akikhai lum na hihi.
Zomi ten it luatna sihna suaksak kei ni maw ……………….
·
Kawlgam
sung mei puahnading in Kawlgam kupi te
leitung bup Bank ( Sumkholna ) te in Dollar 140 million ameet apung omkilkel lo in amawkna in kawm hi
ci in 9/25/13 ni in Yangon khuapi ah Leitung
bup sumkholna te in mipitung ah taangkokhiat na nei uhhi. Asia Bank te zong
omthei mahmahlo nong uh hiding hiven 9/26/13 ni in kozong $3million kiim tawh
kahuhding uh cin taangkokhia uhhi.
·
US
President Luui Jimmy Carter makaai in The Elders kici makaai minthang luui
kipawlna te palaaite tuni 9/25/13 ni in
Ko Myin Ko Naing, U Thein Sein leh maakipi pawltawh kimukhawm uhhi. HIh
kipawlna ah Daw Suu zong kihelkha ngei in dinkhawl kik hi. HIh Puteek
lawmtateng in Kawlgam in kilemna lam manawh in akalsuanna uh tha kangah mahmah
uh ci in 9/26/13 ni in mipi zaak in taangkokhia vialnong uhhi.
·
Tulaaitak
USA gam New York khuapi ah UN General Assembly icidiam khawmpi atun laaitak hi
a, New York khualaaizang pawl a om Time Square kiim a Zusai Nungak laamna saite
in khawnglua mahmah buaipi in kibuai ci in Club neipa khat in 9/25/13 ni in
genkhia hi. Tuaban ah Mikaang kamsiam lualo Ulian ongtam pai mahmah ahihman
in kamphen zong khawng in ka busy mahmah
a, NU ngak te leuleu bel alimtawh kilak ziauziau uh in kamphen ki tamsap kei ci
bilbel hi.
·
Leitung
ah imuan isuan mipi ong makaihding te in
ongbawlpa Pasian thudonnawnlo in leitungnopsakna gualnopte tawh ahun uhbeisak
tamawk ahihman in leitung mite tung ah
Pasian heh mahmahta khading in kangaih sun hi.
·
Hih
UN khawmpi sung mah in Iran President Hassan
Rouhani thugenna 9/25/13 ni in nei a
Iran gam in Nuclear buaina tawh kisai in leitungbup gamthu pi tuamtuamte tawh
thudam akikumtheiding in kigingsa in om
cihthu apulaakhiat ban ah Iran gam in Nuclear vaaitawh kisai abawlnop leh
suaktatak a bawltheihna thuneihna aneihna thu pulaakhia giap hi. Tuaban an Iran
gam I Nuclear vaaitawh kisai in kha 3-6 sung Leitung bup lrh UN te mahmahtawh
kihoding in geelnanei ing ci in 9/26/13 ni in taangkokhia hi.
·
Pakistan
gam 9/24/13 ni in nasiatak in zinlina na in a nawkna hang in 9/25/13 ni ciang
misi kibehlap toto in tu in mi 348 vaal asi kimuta hi ci in Pakistan kumpi te
in taangkokhia uhhi.
·
Japan
gamte neihsa Mawtaw vantawh kisai company 7 te leh Japan mi khat, American
mikhat , akigawm Ulian nih te in kamawh kakhial mah uh ci in US kumpi tung ah
9/26/13 ni in mawhna pulaak uh ahihman in mikhat $20,000 tuak leh company 7 te
in $740million US kumpi tung piading thukikhen hi. Mawtaw van te thumaanlo a US kumpi tung ah kizuak cihmawhna ahihi.
·
US
state department te in leitungbup a om US gammi te leh azinkawikawi US gammite
kheempeuh apaipai na aomomna uh a pilvaang a kidawmkimciatding in 9/25/13 ni in
theihsakna pulaakkhiatna nei uhhi. A hang in Al Qaeda migilo te leh adang
migilo kipawlna te in US gammi te suamding in kiging uh ci uhhi.
·
India te khutnuai gam ahi Pakistan tawh gamgi Kashmir
, Kathua district sung a om India palik zumpikhat India gaalkaap puansilh
mithum in 9/26/13 nasiatak in do uh ahihman in mi 10 atawmpeen si in pawlkhat
liam ci in India kumpi te in genkhia uhhi.
Thuumna: Laaimal kikhialkha leh laaimal kilawmlo, ani ache
akituaklo kha akipan kisapna tuamtuam aomkhaak aleh ngaihdambawm ah nongnakhiat
sak un maw
Zomipau
