Tulaai Leitung Thuthang
tuamtuam updates September 24, 2013
·
Kawlgam
Democracy lampi lam manawh a ataainate leh Mualtungmi thautawite leh kumpi ten
kilemna abawlnate thukimpih leh
muakkawmding in The Elders kici Leitung makaai luuipi te kipawlna I palaaite 9/24/13
ni in Kawlgam Yangon khuapi tungta uhhi.
Hih palaaite lak ah Norway Prime Minister luui Gro Harlem Brundtland , Finland President
luui Nobel Prize ngah Martti Ahtisaari leh US President luui Jimmy Carter te kihel
uhhi.
·
Kawlgam
sung ah akizang 2008 pingpei thukhunpi in Mualtungmi namkee te huulo ahihman in
athakkhat gelhphading ci in UNFC,UNA te in nasiatak in pan alaak laaitak un,
Mualtungmi te kigawmkhopna party mah khat ahi Tah-sah-niah party te in 2008
thukhunpi thak gelhkikding hoih asaklohna thu uh 9/24/13 ni in pulaakkhia uhhi.
( Kawlgam peen amihing mahmah a apiang mahmahlo hihang imakaaite hikhinlo hi. Cih
kei mimal muhna hi.)
·
Kawlgam
sung Yangon khuapi kilemna innpi ah Shan minam thautawi SSA/RCSS , Karen minam
thautawi KNU te leh U Aung Myint kimuhkhopna 9/24/13 ni in nei uh a, U Aung
Myint in October kha sung in Kawlgambup kilemna pawipi khaamzawhnading in kumpi
ten haanciam a tuakilemna pawipi ah Kawlgam gaalkaap maangpite, UN General
Secretary Ban Ki Moon, Billy Clinton, Jimmy Carter cihte leh leitung kilemna
tawh kisai miminthang te ongtheihpihding in kisamding ci ngeng ngang liang hi.
·
Kawlgam
Pithaungsuh Hlutdaw makaaipi Tura U Shwe
Mann leh Thailand Prime Minister
Yingluck Shinawatra te tuni 9/24/13 ni in Thailand gam Bangkok khuapi ah
kimukhawm uha, Gamnih in tulian a avaaihawm khop uh gamgidung vaai leh sum le
paai zonkhopna tawh kisai kikum uhhi. Anih tuak un Mikaangpau tuakzang nuam
himah eh U Shwe Mann mikaangpau peen ngapik in matcip in siaglo ahihman in kamphen
zong in buaituak mahmah uhihi.
·
USA
gam New York khuapi ah UN khawmpi tuni 9/24/13 ni in kibawl a, Thukonghon
thugenna President Obama in nei hi. Obama in agenna ah Syria gam I aneih
Chemical gaalvan teng vaatmaaimang ding vaaihawmna ah leitungbup in khutkhat tawi khekhat khaai bang a ma pankhop kuul hi ci in genkhia hi.
·
Pakistan
gam tuitaw nawllam Balochistan province sung ah 9/24/13 ni in 7.7 magnitude
haat in zin nasiatak in liing ahihman in mi atawmpeen 45 sikhinta a , Inn 30%
bang kicim mang ahihman in mipi cimawh tuul tampitak cihnading theilo in
om uhhi. Hih mite ahuhding in Pakisatan
kumpi te In gaalkaap thahaat mahmah 200 kipeisak ziahziah uh ci in Pakistan
kumpi te in genkhia uhhi. Zinliin akhauhdaan peen India gam Karachi, Hyderabad
khuapi te leh
India's khuapi Delhi nangawn ah
inn ling ngamngam cizen hi. ( Laisiantho taangtungta )
Thuumna: Laaimal kikhialkha leh laaimal kilawmlo, ani ache
akituaklo kha akipan kisapna tuamtuam aomkhaak aleh ngaihdambawm ah nongnakhiat
sak un maw
Zomipau
