Tulaai Leitung Thuthang
tuamtuam updates September 29 2013
Zomi tawh kisai
·
Zomi
Innkuan Kentucky Inc cultural & Sports Department te makaih natawh Bowling
Green, Kentucky khua USA gam ah kumsim
in akibawl International Festival pawipi ah Zo lia &
Zo Taang te in 9/28/13 ni in Zomi te ngeina laam , Zopuan te silh sa in leitung
minam tuamtuam mimal 2,000 vaal maai ah Kawlgam, Chin state ai-awh in zai ziahziah uhhi.
·
Mipi
te leh Ulian tuamtuam te in Zomi te laam
siam ongsa in tha ngahngah mahmah , kilawm ongsa mahmah uh ahihman in October
1,2013 ni State Government te cialna tawh Zolia , Zo Taang te in khatvei vazai
kik ziahziah ding uhhi.
·
October
kha 19,2013 ni Zomi Innkuan Kentucky makaihnatawh Kentucky state bup a om Zomi
kheempeuh in Khuadopawi nasia tak in kibawlding a, avengveng, akhuakhua pan Zo
lapi kidemna, Zo ngeina laam, Ciamnuih, Meel hoih kidemna, SIal khau kisuhna cihte leh lasak khopna pawi tetawh nuamtak in
kizang ding hi. HIh khuado pawi ah 2012-2013 kumsung High School zo te pahtawi
na Zomi Innkuan Kentucky pan kineiding hi.
·
2013
Khuado pawipi sung ah State Governor zumte, State Secretary zumte , City Major
zumte , Community tuamtuam te leh Pawi ( Khalkha lamte ) kisamding hi. Hih
pawipi sung a kineiding kidemna tuamtuam te ah akhatna angahte Zogam Mungno in
pahtawina lawmman ongpiaksakding hi.
·
Zomi
Innkuan Kentucky Inc. peen Kentucky state level ah nonprofit organization khat
in kumpite theihpihna angah kipawlna kiciankhat zong ahihi. (Secretary
ZIK,Thang Khawm Pau Zomi )
·
Zomi
sung ah Pasian mizat mahmah leh Nu le Pa bang a ineih ZMBC President, Zosiam
Project Director Rev Pau Khan Khai 10/01/2013 ni nitaak in Bowling Green,Ky
ongtungding a nitaak hun Zomi kheempeuh tawh nasiatak in biakpiakna kineikhawm ding hi.
Kawlgam tawh kisai
·
Kawlgam
sung Sagaing huam Letpadaung Mual buaina kha 10 cin na phawkna in Madalay huam
Amarahpurah khua ah kawlphungzi te leh khuasungmi akigawm mi 50 ding in 9/29/13
ni in lampaisa in lungphona nei uh a, Kawlgam palikte in nakhaaktan uh ahihman
in nasiatak in kilaai uha aliam abaai pawlkhat om uhhi. Hih letpadaung mual
siksan tawh peen 10/01/2013 ni kipankik tading uh ci hi.
·
Kawlgam
bup kileemnading vaaihawm pawl leh Kawlgam sung a gamvaai party 40 vaal te in
Yangon khuapi kilemna phualpi ah 9/29/13 ni in kimuhkhopna khat nei uh a, Tua
kimuhkhopna ah U Aung Min in ongtung ding November kha sung ah kawlgambup
kilemna pawipi khaam in suaikaihna kibawlzoding hi ci iin genkhia hi.
Leitung gamtuamtuam tawi kisai
·
Nigeria
gam College of Agriculture Gujba saang
sung ah sangnaupangte a ihmut kaal 9/29/13 ni zankim in migilo pawlkhat luut in
a ihmu sangnaupangte baankaap uh ahihman in sangnaupang 21 si in pawlkhat liam
hi ci in Nigerian President Goodluck
Jonathan in genkhia hi. Kua khutma cihthu kitheician naailo hi.
·
USA
gam Lake Charles, Louisiana state ah Pastor Ronald J. Harris kici Pawlpi keem
sia khat athugenlaaitak 9/27/13 ni in apawlpi upa te khat ahi kum 53 apha papi khat in kaaplum mawk ahihman in Palikte
tungpah a mikaap lumpa mithat mawhna tawh man uhhi. Hih akiman mipa peen
thongpualam ah aomtheihnading in $1 million kisam ci uhhi. SIhna in ahun atun
ciang in Pastor te zong zahlo hi.
·
Pakistan
gam Peshawar khuapi vanzuakna Bazaar pi sung khat ah 9/29/13 ni in migilo te in
bomb puakkhamsak uh ahihman in mi 33 sipah in simzawhnaailoh liam uhhi. Nung
Friday ni 9/27/13 ni mah in hihkuapi kiang mah ah kumpi naseemte apua Bus
pikhat bomb tawh kideng a mi 17 si hi. Nung kaalsung in zong Christian Biak
inn khat ah bomb nih puakkham in mi 80 vaal si uhhi .
·
USA
gam te I Navy Vice Adm leh nuclear commander aseem laaitak ahi Mr Tim
Giardina anasepna azapan 9/28/13 ni in kumpi khaam kimawlna akimawlkhaakna hang
in tawlkhat kikhawlsak phot hi. Amah peen kiman lian naailo a athu ala kician
zaw in akikansaan laaitak ahihi.
·
Nigeria
gam Malilli village kiang tuitung ah
Tembaw neukhat mitam tuanlua ahihman in 9/28/13 ni in kibung a mi 42 asisa
in kimu in mi 100 vaal mangthang hi ci
in Nigeria kumpi te in genkhia uhhi.
·
India
gam Mumbai khuapi sung ah Inn dawl 4 khat 9/28/13 ni in kicim leuleu in 9/29/13
niciang misi kimu 60 phata a mi 33 kihonkhia khinzo hi ci in India kumpite in
genkhia uhhi. Tukum April kha pan June kha sung bekbek in hih Mumbai ah Inn
kicipna hang in mi 100 vaal si a 2008 pan 2012 sung bekbek in inn 100 bang
kicim ci in thuneite in genkhia uhhi.
·
USA
gam Virginia state a om Leitungbup Vantung dawlnuainung khualzinkhiatna phualpi
NASA pan 9/18/13 ni in Pasal 5 leh Numei 1 atuang Cygnus kici Vantung khual zinna siklompi tawh
leengkhia uha, 9/22/13 a tungding in ageelsa uh hinapi Computer vanpawlkhat
hoihlohna hangtawh 9/29/13 ni in Vantung dawlnuainung aom Leitungbup
Vandangnuai tawlngakna phualpi cidam in tungzopan uhhi ciin NASA te in
pulaakkhia uhhi.
·
Pakistan
gam nitumna lam ahi Awaran kuamteng ah 9/28/13
ni in nasiatak in 6.8 magnitude ahaat Zinling leuleu a mi 15 si a inn le lo tampitak kisia leuleu ci in Pakistan
thuneite in genkhia uhhi. 9/24/13 ni in zong 7.7 haat in zin ling khin a mi 100 vaal si uhhi.
Tusung teng kanasep laih in Orientation tengtawh kahun ong hibialbual ahihman Thuthang nisim ongsuakzolo ahihman in mawhmaaina ongpia un.
Thuumna: Laaimal kikhialkha leh laaimal kilawmlo, ani ache
akituaklo kha akipan kisapna tuamtuam aomkhaak aleh ngaihdambawm ah nongnakhiat
sak un maw
Zomipau
