Tulaai Leitung Thuthang
tuamtuam updates September 20, 2013
·
Singapore
gam angaihzin ahi Daw Aung San Suu Kyi tuni 9/23/13 ni in Singapore Prime Minister
Lee Hsien Long , Singapore Hlutdaw makaaipi (HaliamahYacob) leh Singapore
President Tony Tan Keng Yam tetawh
kimukhawm uh a Daw Aung San Suu Kyi ahizong in Singapore uliante ahizong in langnih tuak in tha ngahmahmah vaanglak uhhi.
·
Zanni
9/22/13 ni a kibawl Germany gam I Hlutdaw kiteelna ah German Prime Minister Angela
Merkel party ahi Christian Democrats
party te in 41.5% tawh gualzawhna ngah uh a Hlutdaw dawlnuai nung ah muntam
ngahtheinading in Mee 26% tawh gualzawhna angah a hi Social Democrats party
tawh ma ongpangkhawmding uhhi.
·
Pakistan
gam Peshawar khuapi sung aom All Saints
Church ah 9/22/13 ni in migilo nih in thakhat in bomb khattuak puakkhamsak uh
ahihman in kikhawm mi78 si in mi 120 liam uhhi. Kihop manciang Pasian a-it khat
I citpiakna ann neding a akigualh diudeu laaitak uh a bomb puakkham hi a kihawm
vekpi mi 600 pha uhhi. Hihbang biakna kisuamna lungkimlohna hang in Christian
kheempeuh in Pakistan gambup ah 9/23/13 ni in lungphona nei uhhi.
·
Nung
Saturday 9/21/13 ni Kenya gam Westgate
Mall vanzuakna innpi migilo te in umcip cingcip in mi abankaapna hang in 9/22/13 ni in Kenya gaalkaapte in va buluh kik
uh a migilo teng siangsakta in micimawhteng zong kihuhzokhinta ci in 9/23/13 ni
in Kenya gaalkaapte genkhia uhhi. HIh
9/21/13 ni kikaap na ah mi 62 si uhhi.
·
Nungkaal
sungpan kipan in Mexico gam ah huihpi leh guahpi kithuah in nasiatak in guah zu
ahihman in state 31 khat ah tuicin tung in inn
le lo tampi asiatkhit baan ah 9/23/13 niciang misi 110 cingta in mi 68 mangthang laai hi ci in kumpi
thuneite in genkhia uhhi.
·
Pacific
tuipi tungpan ongkipan Typhoon Usagi kici pingpeipi in China gam sung tuitawlam
nasiatak in 9/23/13 ni in nawkgawp a Guangdong
province sung ah misi 25 kimu in Inn 7,100 kisia a mipi 80,000 thukin in
kinawnkhia hi. mipi 3.5 million in dongkholhna thuak uhhi. Sunday ni 9/22/13 ni
in zong Hongkong gam nanawkgawp a Vanleeng 400 bang Hongkong vanleeng tual ah
leengkhia theilo in dinkhawl uhhi.
Thuumna: Laaimal kikhialkha leh laaimal kilawmlo, ani ache
akituaklo kha akipan kisapna tuamtuam aomkhaak aleh ngaihdambawm ah nongnakhiat
sak un maw
Zomipau