Tulaai Leitung Thuthang
tuamtuam updates September 21, 2013
·
Shan
State sung a Taunggyi khuapi ah September21-23 dong SNLD,MDP party te makaih na
tawh Trust Building for Peace cih thulu tawh khawmpi khat ki bawl a Kawlgam
sung a party tuam tuam te leh thau tawi (Cease-fire groups),Civil Society teng
pan kipawl na 50 val ki hel hi. ZCD party pan in zong President Pu Chin Sian
Thang,GS Pu Gin Kam Lianleh Secretary Pu Pau Lun Min Thang te khawmpi va sim uh
hi.1961 kum Lai in zong khat vei ki bawl ngei khin a tua Taunggyi khawmpi ah ki
hel leh a dam lai mi 2 te pen ZCD President Pu leh Mon Democracy Party iPresident
Pu Naing Ngwe Thein te zong tu a a 2 vei na ah ki hel leu leu uh hi.Kawlgam
sung a Tai Zin Ta te a ding thu hoih tam pi ong gel uh cih ih lam en hi. ZCD
party in ei Zomi nam a ding bek hi lo in Kawlgam sung a Tai Zin Ta teng ki pawl
khawm a Panglong thu kim na bul let in Federal Union diktak mantak ih suah na
ding a han ciam a hi hi.
·
Zomi
sung a imipil neihte lak ah khat ahi Dr Nang Sian Mung (EBC) September 13 nipan
USA gamsung ongngaih hawhlaaitak hi a tulaaitak in Seattle, WA ah aomlaaitak ahihi. USA gamsung ah muntuamtuam
ong zinkawikawi ding a December khaciang kawlgam ah ciahkikding hi. Amah tawh akihonuamte
ading in - 360-388-5178 ah kiho thei hi. A Schedule adeih te in ongngen un.
·
Zomi
2,000 kimding aomna Nashville, TN khuapi ah nasep neilo nasep kisam aomkhaak
aleh Nashville khuapi pan minutes 29 paina
www.macysjob.com ah nasep kideih
hi. Naikhat 10:20 tawh kipanding nikhat nai 12 ta seemding hi. Nasep peen numei kizepna vante bawlna hi
in nasep ol mahmah hi. Zomi 2 leh Kawl nungak 2 in seemlaaitak uhhi.
·
USA
pan Kawlgam, Malaysia,India akipan gamtuamtuam phone ahomun mahmahte ading in Straight
Talk wireless phone company nazang sin un. Phone leh sim card peen $30-300
manciang om a, Khakhat $60 card lei in thun leeng uttantan ciangtan omlo in
khakhat sung kiho theihziahziah hi. Contract hilo in zat nuam mahmah hi.
·
Tuni
9/21/13 nipeen Leitungbup kilemna ni ahihmahbang in Kawlgam sung a mualtungmite
leh kumpite kilemna angahnading deihnakawm leh leitung bup kilemnani phawkna in Yangon khuapi ah mi atul athen
asimding in lampai kawm in
lungphona nasia mahmah khat nei uhhi.
·
Kenya
gam Nairobi khuapi sung aom Vannamkim kizuakna Mall innpi sung migilo thautawi
pawlkhat in 9/21/13 ni in bankaap in buluh uh ahihman in mi 39 sipah in mi 293
liamna tawh zato akipuaklaaitak hi ci in Kenya kumpi pan taangko hi. Hih
migilote peen Al Qaeda migilo tetawh kizom migilo te hiding ci in ummawh uhhi.
·
China
gam communist Party makaai maaitaai luikhat leh China gam makaaiding khat a lam
et ahi Bo Xilai amawhna kimu ahihman in 9/21/13 ni in China court
te in sihdong thongkiading in thukhen uhhi. Amah peen Azaliatna zangkhial, azi
in mikaang sumbawlkhat athahna ah thu im cihte leh golhguuk ne cihtawh
thongkikhia ahihi.
·
Iraq
gam Baghdad khuapi sung ah 9/21/13
ni Shia muslim te misivui in abuai ngeingai laai tak un migilo
te in mun thum pan bomb napuakkhamsak uh ahihman in mi 60 thakhat in sipah a
120 liam ci in kumpi lamten gen uhhi.
·
Germany
gam parliamentary kiteelnading tawh kisai in candidate mi 4 te in ameetang
zonna hun uh 9/21/13 ni in hialbawl ta uhhi.9/22/13 nipan kipan in mipite in hih mi 4 tenglak ah
adeihpenpen uh mee tang piak kipan ziahziah ta ding uhhi.
·
Usagi
Typhoon kici huihpi leh guahpi kithauh in Philippine gam saklamteng leh Taiwan
tuikulh tungteng 9/21/13 ni in nasiatak in nawkgawp a vansia, misi cihte
kitheinaaillo hi. Huihnunna peen naikhat tai 155 haatcizen hi.
Thuumna: Laaimal kikhialkha leh laaimal kilawmlo, ani ache
akituaklo kha akipan kisapna tuamtuam aomkhaak aleh ngaihdambawm ah nongnakhiat
sak un maw
Zomipau